ഉപ്പള : വീടിന്റെ ടെറസില് കഞ്ചാവ് കൃഷി ചെയ്ത യുവാവ് പോലീസിന്റെ പിടിയിലായി. കുബന്നൂര് ബേക്കൂര് കണ്ണാടിപ്പാറയിലെ കെ.പി നജീബ് മഹ്ഫൂസിനെ (22) ആണ് പോലീസ് അറസ്റ്റ് ചെയ്തത്. കുമ്പള ബംബ്രാണ കളത്തൂര് റോഡിലെ വാടക ക്വാട്ടേഴ്സിന്റെ ടെറസില് കഞ്ചാവ് കൃഷി ഉണ്ടെന്നു ഇന്സ്പെക്ടര് പി.പ്രമോദിനു ലഭിച്ച വിവരത്തെത്തുടര്ന്നാണ് പോലീസ് സംഘം പരിശോധന നടത്തിയത്. 3 കഞ്ചാവ് ചെടിയാണ് കണ്ടെത്തിയത്.ഇതിനു 2 മാസം വളര്ച്ചയുണ്ടായിരുന്നു. മംഗളൂരുവിലെ സ്വകാര്യ കോളേജിലെ വിദ്യാര്ഥിയായ നജീബ് മഹ്ഫൂസ് കഞ്ചാവ് ഉപയോഗിക്കുന്ന ആളാണെന്നും വില്പനയ്ക്കും സ്വന്തം ആവശ്യത്തിനുമായി ഉപയോഗിക്കാനാണു കൃഷി നടത്തിയതെന്നും സംശയിക്കുന്നതായും പോലീസ് പറഞ്ഞു.
