മല്ലപ്പള്ളി: മുന് മന്ത്രി സജി ചെറിയാന്റെ വിവാദമായ ഭരണഘടനാ വിരുദ്ധ പ്രസംഗത്തിന്റെ പേരിലുള്ള വിവാദം സിപിഎമ്മില് ഒരു ചര്ച്ച വിഷയമാകുന്നു. വിവാദ പ്രസംഗം മാധ്യമങ്ങള്ക്ക് ചോര്ത്തിയത് മുന് ജില്ലാ പഞ്ചായത്തംഗം എസ്.വി സുബിനും ദേശാഭിമാനി ഏരിയാ ലേഖകന് ഷിനു കുര്യനുമാണെന്ന തരത്തില് ആണ് ലഘുലേഖകള് പ്രചരിക്കുന്നത്.
സുബിന് ജാതി മത കോമരങ്ങളുമായും ബിജെപി നേതാക്കളുമായും അടുത്ത ബന്ധം പുലര്ത്തുന്ന ആളാണെന്നും ആരോപിക്കുന്ന ലഘുലേഖയില് സുബിന് ജില്ലാ പഞ്ചായത്ത് അംഗമായിരിക്കുമ്പോഴും പാര്ട്ടി പിരിവില് കൃത്രിമം കാണിച്ചും അനധികൃതമായി ധന സമ്പാദനം നടത്തിയതായും ആരോപിക്കുന്നു.
പുന്നപ്ര വയലാറിലും ജീവന് വെടിഞ്ഞവര് അവരുടെ പിന്തലമുറ പടുത്തുയര്ത്തിയതാണ് കമ്യൂണിസ്റ്റ് പാര്ട്ടി. അതിന്റെ തലപ്പത്ത് വരാന് ഇത്തരം ചെറ്റത്തരം കാണിച്ച നിന്നെ രണ്ടിനെയും കുലംകുത്തി എന്ന വാക്കിനപ്പുറം വിളിക്കാന് വാക്ക് ഉണ്ടാകേണ്ടിയിരിക്കുന്നു എന്നിങ്ങനെയാണ് ലഘുലേഖയിലെ പ്രസക്ത ഭാഗങ്ങള്.
