അങ്കമാലി : നിരവധി കേസുകളില് പ്രതിയായ യുവാവ് കുത്തേറ്റ് മരിച്ചു. നെടുമ്പാശേരിയിലാണ് സംഭവം. അങ്കമാലി സ്വദേശി ജിസ്മോന് ആണ് മരിച്ചത്. കയ്യാലപ്പടിയില് വെച്ച് രാവിലെ പത്ത് മണിയോടെയായിരുന്നു സംഭവം.
കഞ്ചാവ് കച്ചവടത്തിലെ തര്ക്കമാണ് കത്തിക്കുത്തില് കലാശിച്ചതെന്നാണ് പ്രാഥമിക നിഗമനം. കൊലപ്പെടുത്തിയ ആളെ കണ്ടെത്താന് പോലീസ് അന്വേഷണം തുടങ്ങി. ജിസ്മോന്റെ മൃതദേഹം അങ്കമാലി ലിറ്റില് ഫ്ലവര് ആശുപത്രിയിലെ മോര്ച്ചറിയിലേക്ക് മാറ്റി. കഞ്ചാവ് കടത്ത്, വാഹന മോഷണക്കേസുകളില് പ്രതിയായ ജിസ് മോന് മൂന്ന് മാസം മുമ്പാണ് ജയിലില് നിന്ന് പുറത്തിറങ്ങിയത്.
