കരുനാഗപ്പള്ളി : കുരീപ്പുഴ കൊച്ചാലുംമൂട്ടിലുള്ള ഗവണ്മെന്റ് യൂ പി.സ്കൂളിന് സമീപത്തുള്ള വസ്തുവില് നട്ടുവളര്ത്തി പരിപാലിച്ചിരുന്ന കഞ്ചാവു ചെടികള് കണ്ടെടുത്തു. കൊല്ലം എക്സൈസ് സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് ഐ.നൗഷാദിന്റെ നേതൃത്വത്തിലുള്ള സംഘം നടത്തിയ പരിശോധനയിലാണ് ചെടികള് കണ്ടെത്തിയത്.
സമീപവാസിയായ ആള് പശുവിന് പുല്ലുപറിക്കുന്നതിനിടെ ചെടി ശ്രദ്ധയില്പ്പെട്ടതിനെത്തുടര്ന്ന് എക്സൈസിനെ വിവരം അറിയിക്കുകയായിരുന്നു. വസ്തുവിന്റെ ഉടമ ദൂരെ സ്ഥലത്താണ് താമസിക്കുന്നതിനാല് വൈകുന്നേരങ്ങളില് ഇവിടെ തമ്പടിച്ചിരുന്ന ചില യുവാക്കളെ കേന്ദ്രീകരിച്ചാണ് അന്വേഷണം പുരോഗമിക്കുന്നതെന്ന് അസിസ്റ്റന്റ് എക്സൈസ് കമ്മീഷണര് ബി. സുരേഷ് അറിയിച്ചു. എക്സൈസ് ഇന്സ്പെക്ടര് ടി. രാജീവ്, പ്രിവന്റീവ് ഓഫീസര് മനോജ് ലാല്, സിവില് എക്സൈസ് ഓഫീസറന്മാരായ നിതിന്, പ്രസാദ്, അഭിലാഷ് വിനേഷ് ഗോപകുമാര് എന്നിവര് തെരച്ചിലില് പങ്കെടുത്തു.
