സുല്ത്താന്ബത്തേരി : താളൂര് റോഡില് കോളിയടിയിലെ ചെമ്പകചുവട് ബസ് സ്റ്റോപ്പിനടുത്ത് കാറുകള് നിയന്ത്രണം വിട്ട് വീട്ടുമുറ്റത്തേക്ക് ഇടിച്ചു കയറി. കാര് യാത്രക്കാരായ കണ്ണൂര് വെളിമന്നം സ്വദേശി അശോകന് (53), ഇരിട്ടി ഞാലിക്കല് അനീഷ് കുമാര് (38), നെന്മേനി ചിറട്ടോലിക്കല് വാസന്തി (38), അനാമിക (16) എന്നിവര്ക്ക് പരിക്കേറ്റു. ഞായറാഴ്ച വൈകുന്നേരം നാലിനാണ് അപകടം. നിയന്ത്രണം വിട്ട കാര് മുമ്പില് പോയ കാറിന്റെപുറകിലിടിച്ചതോടെ രണ്ട് കാറുകളും വീടിന്റെ ഗേറ്റ് തകര്ത്ത് മുറ്റത്തേക്ക് ഇടിച്ചു കയറുകയായിരുന്നു.
