തിരുവനന്തപുരം : മാധ്യമപ്രവര്ത്തകയോട് അപമര്യാദയായി പെരുമാറിയതിനെത്തുടര്ന്ന് പി.സി ജോര്ജിനെതിരെ കേസെടുത്തു. കൈരളി ടി.വി സീനിയര് റിപ്പോര്ട്ടര് എസ്.ഷീജയോടാണ് അപമര്യാദയായി പെരുമാറിയത്. സ്ത്രീത്വത്തെ അപമാനിച്ചതിന് ഐ.പി.സി 509 പ്രകാരമാണ് കേസെടുത്തിരിക്കുന്നത്. മൂന്നു വര്ഷം വരെ തടവു ശിക്ഷ ലഭിക്കാവുന്ന കുറ്റമാണ് ചുമത്തിയിരിക്കുന്നത്. തൈക്കാട് ഗസ്റ്റ്ഹൗസിനു മുന്നിലെ ജോര്ജിന്റെ മോശം പരാമര്ശത്തിനെതിരെ തിരുവനന്തപുരം മ്യൂസിയം പോലീസാണ് കേസെടുത്തത്.
കഴിഞ്ഞ ശനിയാഴ്ച ചോദ്യം ചെയ്യലിനായി പോലിസ് വിളിച്ചുവരുത്തിയ പി.സി ജോര്ജിനെ അറസ്റ്റ് ചെയ്യുന്നതായി അറിഞ്ഞ് റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകര്ക്ക് നേരെയാണ് പി.സി ജോര്ജ് മോശമായ രീതിയില് പ്രതികരിച്ചത്.