വയനാട് : കൊറോണ ബാധിച്ച് മരിച്ച മേപ്പാടി സ്വദേശിനിയായ ആരോഗ്യപ്രവര്ത്തകയുടെ കുടുംബത്തിന് ഇന്ഷൂറന്സ് തുക കൈമാറി. പ്രതിരോധ പ്രവര്ത്തനങ്ങള്ക്കിടെ കൊറോണ ബാധിച്ച് മരിക്കുന്ന ആരോഗ്യ പ്രവര്ത്തകരുടെ കുടുംബങ്ങള്ക്ക് കേന്ദ്രസര്ക്കാര് 50 ലക്ഷം രൂപ ധനസഹായം പ്രഖ്യാപിച്ചിരുന്നു. ലാബ് ടെക്നീഷ്യയായി സേവനം അനുഷ്ഠിക്കവേയാണ് അശ്വതി കൊറോണ ബാധിച്ച് മരിച്ചത്.
അശ്വതിയുടെ പിതാവ് ഉണ്ണികൃഷ്ണന്റെ പേരിലുള്ള ബാങ്ക് അക്കൗണ്ടിലൂടെയാണ് ഇന്ഷൂറന്സ് തുക നല്കിയത്. ഇന്ഷൂറന്സിനായി കഴിഞ്ഞ മാസമാണ് അശ്വതിയുടെ കുടുംബം അപേക്ഷ സമര്പ്പിച്ചത്. അപേക്ഷ ലഭിച്ച ഉടന് തന്നെ തുക ലഭ്യമാക്കുന്നതിനുള്ള നടപടികള് കേന്ദ്രസര്ക്കാര് ആരംഭിച്ചിരുന്നു.
ഏപ്രിയിലാണ് 24 വയസ്സുകാരിയായ അശ്വതി കൊറോണ ബാധിച്ച് മരിച്ചത്. ജില്ലാ ടി പി പ്രോഗ്രാമിന് കീഴില് ബത്തേരി പബ്ലിക് ഹെല്ത്ത് ലാബിലായിരുന്നു അശ്വതി ജോലി ചെയ്തിരുന്നത്. കൊറോണ ബാധിച്ച അശ്വതിയെ ആദ്യം മാനന്തവാടിയിലെ ആശുപത്രിയിലായിരുന്നു പ്രവേശിപ്പിച്ചിരുന്നത്. എന്നാല് രോഗം മൂര്ച്ഛിച്ചതിനെ തുടര്ന്ന് കോഴിക്കോട് മെഡിക്കല് കോളേജില് എത്തിച്ചെങ്കിലും മരിക്കുകയായിരുന്നു.