മലപ്പുറം : ജില്ലയിലെ തിരൂർ ബി പി അങ്ങാടി പെരിയപ്പാടത്ത് ഇടിമിന്നലേറ്റ് വീടിനോട് ചേർന്നുള്ള അടുക്കള പൂർണ്ണമായും കത്തിനശിച്ചു. പ്രദേശവാസിയായ അമീർ എന്നയാളുടെ ഉടമസ്ഥതയിലുള്ള അടുക്കളയാണ് കത്തി നശിച്ചത്. ചെറിയ തോതിൽ കാറ്ററിങ് സർവീസ് നടത്തിയിരുന്ന അമീറിന്റെ ഏക ഉപജീവനമാർഗമാണ് ഇതിലൂടെ ഇല്ലാതായത്. ഇന്നലെ രാത്രി തിരൂർ മേഖലയിൽ അനുഭവപ്പെട്ട ശക്തമായ ഇടിമിന്നലോടു കൂടിയ മഴയ്ക്കിടെ ഇന്ന് പുലർച്ചെ ഏകദേശം 3:30 ഓടെയാണ് സംഭവം നടന്നത്. വീട്ടുകാർ ഉറങ്ങിക്കിടക്കുന്ന സമയത്തായതിനാൽ തീ പടരുന്നത് ആദ്യം ശ്രദ്ധയിൽപ്പെട്ടില്ല. പുലർച്ചെ 4:30 ഓടെ റോഡിലൂടെ പോയ യാത്രക്കാരാണ് തീ പടരുന്നത് കണ്ട് വീട്ടുകാരെ വിവരം അറിയിച്ചത്. ഉടൻ തന്നെ സമീപത്തെ വീട്ടിൽ നിന്ന് മോട്ടോർ ഉപയോഗിച്ച് ഏകദേശം അരമണിക്കൂറോളം വെള്ളം ചീറ്റിയതിനു ശേഷമാണ് തീ നിയന്ത്രണവിധേയമാക്കാൻ സാധിച്ചത്. അപകടത്തിൽ ആർക്കും പരുക്കില്ല.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
