ചെന്നൈ : തമിഴ്നാട് ഗവർണർ രാജേന്ദ്ര വിശ്വനാഥ ആർലേക്കർ വിജയ്യെ സർക്കാർ രൂപീകരിക്കാൻ ക്ഷണിക്കാത്തത് സംശയാസ്പദമെന്ന് സിപിഎം ജനറല് സെക്രട്ടറി എംഎ ബേബി. തമിഴ്നാട്ടിലെ ജനങ്ങൾ വിജയ് അധ്യക്ഷനായ തമിഴ്നാട് വെട്രി കഴകത്തെ (ടിവികെ) ഏറ്റവും കൂടുതൽ സീറ്റിൽ വിജയികളായി തെരഞ്ഞെടുത്തു. എന്നാൽ പാർട്ടിക്ക് ഒറ്റയ്ക്ക് കേവല ഭൂരിപക്ഷത്തിലേക്ക് എത്താൻ സാധിച്ചില്ല. ഏറ്റവും കൂടുതൽ സീറ്റുള്ളവരെ ക്ഷണിക്കുക എന്നതാണ് കീഴ്വഴക്കമെന്നും തമിഴ്നാട് ഗവർണർ വിജയിയെ സർക്കാർ രൂപീകരിക്കാൻ ക്ഷണിക്കാത്തതിൽ ഇനിയും കാലതാമസം വരുത്തരുതെന്നും എം എ ബേബി അഭിപ്രായപ്പെട്ടു. ജനാധിപത്യ രീതിയിൽ ഗവർണർ കാര്യങ്ങളുമായി മുന്നോട്ട് പോകണം. എന്നാൽ അതിന് വിരുദ്ധമായി മുന്നോട്ട് പോകുന്നത് സംശയജനകമാണെന്നും അദ്ദേഹം ചൂണ്ടിക്കാട്ടി. എംഎൽഎ മാരുടെ ലിസ്റ്റുമായി വരണമെന്ന് പറയുന്നതിൽ അടിസ്ഥാനം ഇല്ല. വാജ്പേയിക്ക് ഒരു മാസക്കാലം സമയം നൽകിയിരുന്നു. ഗവർണർ ഇങ്ങനെ നീട്ടിക്കൊണ്ട് പോകുന്നത് സംശയാസ്പദമാണെന്നും എം എ ബേബി പറഞ്ഞു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
