പത്തനംതിട്ട : കെ എസ് ഇ ബി ലിമിറ്റെഡിന്റെ അധീനതയിലുള്ള കക്കാട് പവർ ഹൗസന്റെ ഭാഗമായ സർജ് ഷാഫ്ടിന്റെ അറ്റ കുറ്റപണി നടക്കുന്നതിനാൽ മൂഴിയാർ ഡാമിന്റെ 3 ഷട്ടറുകൾ പരമാവധി 30 സെന്റി മീറ്റർ എന്ന തോതിൽ ഉയർത്തി 50 കുമെക്സ് എന്ന നിരക്കിൽ ജലം കക്കാട്ട് ആറിലേക്ക് ഒഴുക്കി വിടുന്നതിന് നിലവിൽ അനുമതി നൽകിയിരുന്നു. എന്നാൽ ഇപ്പോൾ പദ്ധതിയുടെ സർജ് ഷാഫ്ടിലും ടണലിലും ഉള്ള അറ്റ കുറ്റപണിയുടെ ഭാഗമായി സ്പൂയിസ് ഗേറ്റുകൂടി തുറന്നതിനാല്‍ 28 കുവെക്സ് എന്ന നിരക്കിൽ അധിക ജലം കൂടി കക്കാട്ട് ആറിലേക്ക് ഒഴുക്കി ആകെ 78 കുമെക്സ് ജലം തുറന്നു വിടുന്നതിന് തീരുമാനിച്ചിരിക്കുന്നു.
തുറന്നു വിടുന്ന അധിക ജലം നദിയിലെ നിലവിലെ ജലനിരപ്പിൽ കാര്യമായ മാറ്റം വരുത്തില്ലെങ്കിലും കക്കാട്ടാറിന്റെയും പ്രത്യേകിച്ച് മൂഴിയാർ ഡാം മുതൽ കക്കാട് പവർ ഹൗസ് വരെയുള്ള ഇരു കരകളിൽ താമസിക്കുന്നവരും, ആളുകളും, പൊതുജനങ്ങളും ജാഗ്രത പുലർത്തേണ്ടതും, നദികളിൽ ഇറങ്ങുന്നത് ഏതു സാഹചര്യത്തിലും ഒഴിവാക്കേണ്ടതാണെന്ന് ജില്ലാ കളക്ടര്‍ ദിവ്യ എസ് അയ്യര്‍ അറിയിച്ചു.
