ന്യൂഡല്ഹി : മുന് കേന്ദ്ര മന്ത്രിയും മുതിര്ന്ന കോണ്ഗ്രസ് നേതാവുമായ പി.ചിദംബരത്തിന്റെ മകന് കാര്ത്തി ചിദംബരത്തിന്റെ വസതികളിലും ഓഫീസുകളിലും അടക്കം ഒമ്പതിടത്ത് സി.ബി.ഐ റെയ്ഡ്. ഡല്ഹി, മുംബൈ, ചെന്നൈ ഒഡീഷ, കര്ണാടക എന്നിവിടങ്ങളിലാണ് റെയ്ഡ് നടക്കുന്നത്. ഡല്ഹിയിലെയും ചെന്നൈയിലെയും വസതികളിലും ഓഫീസുകളിലും മുംബൈയിലെ ഓഫീസിലുമാണ് പരിശോധന നടക്കുന്നത്. ഏഴിടത്തും ഒരേ സമയമാണ് സി.ബി.ഐ സംഘത്തിന്റെ റെയ്ഡ്. കാര്ത്തി ചിദംബരത്തിന്റെ 2010 മുതല് 2014 വരെയുള്ള വിദേശ സാമ്പത്തിക ഇടപാടുകളാണ് സി.ബി.ഐ അന്വേഷിക്കുന്നത്. വിദേശ സാമ്പത്തിക ഇടപാടുകളുമായി ബന്ധപ്പെട്ട് പുതിയ എഫ്.ഐ.ആര് രജിസ്റ്റര് ചെയ്താണ് അന്വേഷണം.
പഞ്ചാബിലെ ഒരു പ്രോജക്റ്റില് ജോലി ചെയ്യുന്നതിനായി ചില ചൈനീസ് പൗരന്മാര്ക്ക് വിസ സൗകര്യമൊരുക്കാന് 50 ലക്ഷം രൂപ അനധികൃതമായി തട്ടിയെടുത്തുവെന്നാണ് കാര്ത്തിക്കിനെതിരെയുള്ള ആരോപണം. എയര്സെല് മാക്സിസ് അഴിമതിക്കേസില് പി.ചിദംബരവും മകന് കാര്ത്തി ചിദംബരവും പ്രതികളാണ്. മാക്സിസിന്റെ അനുബന്ധ സ്ഥാപനമായ ഗ്ലോബല് കമ്മ്യൂണിക്കേഷന്സ് സര്വിസസ് ഹോള്ഡിങ്സിന്, വിദേശനിക്ഷേപക പ്രോത്സാഹന ബോര്ഡിന്റെ അനുമതി ലഭിക്കാന്, അന്ന് ധനമന്ത്രിയായിരുന്ന ചിദംബരം ഇടപെട്ടന്നാണു കേസ്.
