തൃശൂര്‍ : ജില്ലയില്‍ കനത്ത മഴയെ തുടര്‍ന്ന് മൂന്ന് വീടുകള്‍ തകര്‍ന്നു. ഒരുമനയൂര്‍, പുന്നയൂര്‍ക്കുളം അന്തിക്കാട് പടിയം എന്നിവിടങ്ങളിലാണ് വീടുകള്‍ തകര്‍ന്നത്. ഒരുമനയൂര്‍ വില്ല്യംസ് അമ്പലത്താഴം മാങ്ങോട്ടുകാവ് ക്ഷേത്രത്തിന് സമീപം വല്ലിക്കുട്ടിയുടെ ഓട് മേഞ്ഞ വീടാണണ് ഭാഗീകമായി തകര്‍ന്നത്. ചുമരുകള്‍ വിള്ളല്‍ വീണ് ഇടിഞ്ഞു. പട്ടികകള്‍ ഒടിഞ്ഞു ഓടുകള്‍ വീണു. ആര്‍ക്കും അപായമില്ല. വീട്ടുകാരെ ബന്ധു വീട്ടിലേക്ക് മാറ്റി. മഴയില്‍ പുന്നയൂര്‍ക്കുളത്ത് മൂത്തേടത്ത് രവീന്ദ്രന്റെ വീടും തകര്‍ന്നു. പടിയം സംഗീത് ക്ലബ്ബിനു സമീപം എറവില്‍ ചന്ദ്രന്റെ വീടാണ് മഴയില്‍ തകര്‍ന്നു വീണു ആളപായമില്ല.
അതേസമയം, സംസ്ഥാനത്ത് പരക്കെ ചൊവ്വാഴ്ച കനത്ത മഴയുണ്ടാകാന്‍ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. തീവ്ര മുന്നറിയിപ്പിന്റെ പശ്ചാത്തലത്തില്‍ സംസ്ഥാനത്തെ നാല് ജില്ലകളില്‍ ഓറന്‍ജ് അലര്‍ട്ട് പ്രഖ്യാപിച്ചു. മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളിലാണ് ചൊവ്വാഴ്ച ഓറന്‍ജ് അലര്‍ട്ട് പ്രഖ്യാപിച്ചിരിക്കുന്നത്.
