കോഴിക്കോട്: താമരശ്ശേരിയിൽ പ്രവാസിയെ തട്ടിക്കൊണ്ടുപോയ കാറിന്റെ സി.സി.ടി.വി ദൃശ്യങ്ങൾ പുറത്ത്. പരപ്പൻപൊയിൽ കുറുന്തോട്ടി കണ്ടിയിൽ മുഹമ്മദ് ഷാഫിയെ(38)യാണ് രാത്രി വീട്ടിൽ നിന്ന് ഗുണ്ടാ സംഘം തട്ടികൊണ്ടുപോയത്. ഷാഫിയെ തട്ടിക്കൊണ്ടുപോയത് വെള്ള കാറിലാണെന്നു ദൃശ്യങ്ങള് സൂചിപ്പിക്കുന്നു. നമ്പര് വ്യക്തമല്ല. പ്രവാസിയെ തട്ടിക്കൊണ്ടുപോയത് വയനാട്ടിലേക്കാണ്. ശനിയാഴ്ചവരെ ഷാഫി വയനാട്ടിൽ ഉണ്ടായിരുന്നു. തുടർന്ന് കരിപ്പൂരിലെത്തി. പിന്നീട് എങ്ങോട്ടുപോയെന്ന് വ്യക്തമല്ല.
സംസ്ഥാനത്ത് ഇന്ന് സ്വർണവിലയിൽ ഇടിവ് രേഖപ്പെടുത്തി. ആഴ്ചയുടെ ആദ്യദിനം തന്നെ ഒരു പവൻ സ്വർണത്തിന് 320 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,320 രൂപയായി. ഗ്രാമിന് 40 രൂപ കുറഞ്ഞ് 5,540 രൂപയിലാണ് വ്യാപാരം നടക്കുന്നത്. കഴിഞ്ഞ മൂന്ന് ദിവസമായി മാറ്റമില്ലാതെ തുടർന്ന സ്വർണവിലയാണ് ഇന്ന് ഇടിഞ്ഞത്.
ആഗോള വിപണിയിൽ ഔൺസിന് 1,9990.37 ഡോളർ നിരക്കിലാണ് സ്വർണത്തിന്റെ വ്യാപാരം പുരോഗമിക്കുന്നത്. ആഗോള വിപണിയിലെ ചലനങ്ങളാണ് ആഭ്യന്തര വിപണിയിലും പ്രതിഫലിക്കുന്നത്. ഈ മാസത്തെ ഏറ്റവും ഉയർന്ന നിരക്ക് രേഖപ്പെടുത്തിയത് ഏപ്രിൽ അഞ്ചിനായിരുന്നു. ഏപ്രിൽ അഞ്ചിന് എല്ലാ റെക്കോർഡുകളും ഭേദിച്ച് ഒരു പവൻ സ്വർണത്തിന് 45,000 രൂപയാണ് രേഖപ്പെടുത്തിയത്.