റെയിൽവേ ട്രാക്കിന്റെ പരിസരങ്ങളിൽ സിസിടിവി സ്ഥാപിക്കും ; പരിശോധന ശക്തമാക്കി പോലീസ്

തിരുവനന്തപുരം : ട്രെയിനുകൾക്ക് നേരെ കല്ലേറുണ്ടായ പശ്‌ചാത്തലത്തിൽ പരിശോധന ശക്തമാക്കാൻ പോലീസ്. റെയിൽവേ ട്രാക്കിന്റെ പരിസരങ്ങളിൽ സിസിടിവിയുൾപ്പടെ സ്ഥാപിച്ച് രഹസ്യ നിരീക്ഷണം നടത്തും. ട്രെയിനുകൾക്ക് നേരെ തുടർച്ചയായി കല്ലേറുണ്ടാകുന്ന സാഹചര്യത്തിലാണ് നിരീക്ഷണം ശക്തമാക്കാൻ പോലീസ് തീരുമാനിച്ചത്. റെയിൽവേ ട്രാക്കിന്റെ പരിസരങ്ങളിൽ പരിശോധനക്കായി സിസിടിവി ക്യാമറ സംവിധാനമൊരുക്കി. റെയിൽവേ ട്രാക്കിന് സമീപത്തുള്ള വീടുകൾ കേന്ദ്രീകരിച്ച് പോലീസ് ഉദ്യോഗസ്ഥർ രഹസ്യ നിരീക്ഷണം നടത്തും. തീവണ്ടികളിലും കൂടുതൽ പോലീസിനെ നിരീക്ഷണത്തിനായി വിന്യസിക്കും.

ചൊവ്വാഴ്ച കാസർകോട് ജില്ലയിൽ റെയില്‍വേ ട്രാക്കിന് സമീപം നടത്തിയ പരിശോധനയില്‍ സംശയാസ്പദമായ സാഹചര്യത്തില്‍ കണ്ട അമ്പതോളം പേരെ കസ്റ്റഡിയില്‍ എടുത്ത് ചോദ്യം ചെയ്തു. കഴിഞ്ഞ ദിവസം രാജധാനി എക്സ്പ്രസ്സിന് നേരെയുണ്ടായ കല്ലേറിൽ 10 വർഷം തടവ് ശിക്ഷ ലഭിക്കാവുന്ന വകുപ്പുകൾ ചുമത്തിയാണ് ഹോസ്ദുർഗ് പോലീസ് കേസെടുത്തത്. ഒരാഴ്ച്ചയ്ക്കിടെ അഞ്ച് ട്രെയിനുകള്‍ക്ക് നേരെയാണ് കല്ലേറുണ്ടായത്. തുടർച്ചയായി വിവിധ സ്ഥലങ്ങളിലുണ്ടായ കല്ലേറിൽ പോലീസ് അന്വേഷണം ഊർജ്ജിതമാക്കി. കോയമ്പത്തൂര്‍ മംഗ്ലൂരു ഇന്റര്‍സിറ്റി ട്രെയിന്‍ കടന്നു പോകവെ കളനാട് തുരങ്കത്തിന് സമീപം റെയില്‍പാളത്തില്‍ ക്ലോസറ്റ് കഷണവും കല്ലും കണ്ടെത്തിയ സംഭവത്തിലും പോലീസ് അന്വേഷണം നടന്നുവരികയാണ്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033