ആലപ്പുഴ : ജില്ലാ ശിശുക്ഷേമ സമിതിയുടെ നേതൃത്വത്തിൽ കോവിഡ് പ്രതിരോധം ഉറപ്പാക്കി ശിശുദിനാഘോഷം സംഘടിപ്പിച്ചു. ജവഹർ ബാലഭവനിൽ നടന്ന പരിപാടി കുട്ടികളുടെ പ്രധാനമന്ത്രി അരുന്ധതി ആർ നായർ ഉദ്ഘാടനം ചെയ്തു. എച്ച്. സലാം എം.എൽ.എ ശിശുദിന സന്ദേശം നൽകി. ഉജ്ജല ബാല്യം പുരസ്ക്കാര ജേതാക്കളായ കാജൽ നോബിളിനെയും ഗൗതം കൃഷ്ണായേയും ചടങ്ങില് ആദരിച്ചു.
വിവിധ മത്സരങ്ങളില് വിജയിയിച്ചവര്ക്ക് കാർഡ് ബാങ്ക് പ്രസിഡന്റ് എം.എ വാഹിദ് സമ്മാനദാനം നിര്വഹിച്ചു. കുട്ടികളുടെ പ്രസിഡന്റ് ആൻ മേരി അധ്യക്ഷത വഹിച്ചു. ശിശുക്ഷേമ സമിതി ഭാരവാഹികളായ എം.സി പ്രസാദ്, കെ.പി പ്രതാപൻ, കെ.ഡി ഉദയപ്പൻ, കെ.നാസർ, ശ്രീലേഖ എന്നിവർ പ്രസംഗിച്ചു. അഭിൻ രാജ് സ്വാഗതവും കാജൽ നോബിള് നന്ദിയും പറഞ്ഞു.
