പത്തനംതിട്ട : വിദ്യാര്ത്ഥികളുടെ ന്യായമായ സമരത്തിന് ഐക്യദാര്ഢ്യം പ്രഖ്യാപിച്ച് പ്രധാനമന്ത്രിയുടെ വസതിക്ക് മുന്നില് പ്രതിഷേധിച്ച പ്രതിപക്ഷ നേതാവ് രാഹുല് ഗാന്ധി, എ.ഐ.സി.സി ജനറല് സെക്രട്ടറിമാരായ പ്രിയങ്കാഗാന്ധി, കെ.സി വേണുഗോപാല് ഉള്പ്പെടെയുള്ള കോണ്ഗ്രസ് നേതാക്കള്ക്കും ജനപ്രതിനിധികള്ക്കും എതിരായ കേന്ദ്രസേനയുടെയും ഡല്ഹി പോലീസിന്റെയും അതിക്രമം അത്യന്തം പ്രതിഷേധാര്ഹവും ജനാധിപത്യ വിരുദ്ധവുമാണെന്നും യൂത്ത് കോൺഗ്രസ് ദേശീയ സെക്രട്ടറി അബിൻ വർക്കി കോടിയാട്ട് എം.എൽ.എ കുറ്റപ്പെടുത്തി
ജനപ്രതിനിധികളെന്ന പരിഗണന നല്കാതെയാണ്, മന്ത്രി പി.സി വിഷ്ണുനാഥ്, എം.പിമാരായ കൊടിക്കുന്നില് സുരേഷ്, ഡീന് കുര്യക്കോസ് ഉൾപ്പടെയുള്ളവർക്ക് നേരെ ഉണ്ടായ പോലീസ് നടപടിയെന്നും അദ്ദേഹം പറഞ്ഞു
പ്രതിഷേധങ്ങളെ അടിച്ചമര്ത്തുന്നതിലൂടെ ജനാധിപത്യ മൂല്യങ്ങളെ മോദി ഭരണകൂടം വെല്ലുവിളിക്കുകയാണെന്നും, നീറ്റ് -യുജി ഉള്പ്പെടെയുള്ള വിവിധ പരീക്ഷകളുടെ ചോദ്യപേപ്പര് ചോര്ച്ചയില് കേന്ദ്രവിദ്യാഭ്യാസ മന്ത്രി ധര്മേന്ദ്ര പ്രധാന്റെ രാജിയാവശ്യപ്പെട്ട് കോൺഗ്രസ് പ്രതിഷേധം ശക്തമാക്കുമെന്നും അബിൻ വർക്കി എം.എൽ.എ വ്യക്തമാക്കി.
