ചെങ്ങന്നൂർ : മുളക്കുഴ സെഞ്ച്വറി ആശുപത്രി അടിയന്തിരമായി തുറന്നു പ്രവർത്തിക്കണമെന്നും ജീവനക്കാർക്ക് ശമ്പള കുടിശ്ശിഖ അടക്കമുള്ള ആനുകൂല്യങ്ങൾ അടിയന്തിരമായി നൽകണമെന്നും ആവശ്യപ്പെട്ടുകൊണ്ട് സമര സമിതിയുടെ നേതൃത്വത്തിൽ പിരളശ്ശേരി ജംഗ്ഷനിൽ ചേർന്ന വിശദീകരണ യോഗം സജി ചെറിയാൻ എംഎൽഎ ഉദ്ഘാടനം ചെയ്തു.
സമരസമിതി ചെയർപേഴ്സൺ രശ്മി രവീന്ദ്രൻ അധ്യക്ഷത വഹിച്ചു. സിപിഐ എം ചെങ്ങന്നൂർ ഏരിയ സെക്രട്ടറി എം എച്ച് റഷീദ്, സജി വള്ളവന്താനം, എം ശശികുമാർ, എം കെ മനോജ്, ഹോസ്പിറ്റൽ എംപ്ലോയീസ് യൂണിയൻ (സിഐ ടിയു) സെഞ്ച്വുറി യൂണിറ്റ് സെക്രട്ടറി സെൽബി മോൾ, എൻ എ രവീന്ദ്രൻ, പി എസ് ഗോപാലകൃഷ്ണൻ, പി എസ് മോനായി എന്നിവർ സംസാരിച്ചു. സമര സമിതി കൺവീനർ പി കെ കുര്യൻ സ്വാഗതവും കെ എസ് ഗോപാലകൃഷ്ണൻ നന്ദിയും പറഞ്ഞു.
