തൃശൂര് : മേളപ്രമാണി ചക്കംകുളം അപ്പുകുട്ടന് മാരാര് (91) അന്തരിച്ചു. ചക്കംകുളം അപ്പുമാരാരുടെ സഹോദരനാണ്. പെരുവനം ആറാട്ടുപുഴ പൂരം, തൃശൂര് പൂരത്തിനുള്പ്പെടെ പങ്കെടുത്തിട്ടുണ്ട്. ചക്കംകുളം ശാസ്താവിന്റെ ഉള്പ്പെടെ നിരവധി ക്ഷേത്രങ്ങളിലെ അടിയന്തരക്കാരന് ആണ്. അച്ഛന് പണ്ടാരത്തില് നാരായണ മാരാരില് നിന്നുമാണ് വാദ്യകലയുടെ ആദ്യ പാഠങ്ങള് സ്വായത്തമാക്കിയത്.
പിന്നീട് അമ്മാവനില് നിന്നും ജ്യേഷ്ഠ സഹോദരന് ചക്കംകുളം അപ്പുമാരാരില് നിന്നും കൂടുതല് പരിശീലനം നേടി. നിരവധി പുരസ്കാരങ്ങളും ലഭിച്ചിട്ടുണ്ട്. തലോര് ചക്കംകുളങ്ങര മാരാത്ത് വീട്ടില് വിശ്രമ ജീവിതത്തിലായിരുന്നു. അവിവാഹിതനാണ്. പരേതരായ ലക്ഷ്മിക്കുട്ടി മാരസ്യാര്, ഇട്ടുന്നൂലി മാരസ്യാര് എന്നിവരാണ് മറ്റു സഹോദരങ്ങള്.
