ന്യൂഡല്ഹി : പുകവലിക്കാര്ക്ക് ജാഗ്രതാ മുന്നറിയിപ്പുമായി കേന്ദ്ര ആരോഗ്യ മന്ത്രാലയം. കൊവിഡ് വ്യാപന പശ്ചാത്തലത്തില് പുകവലിക്കുന്നതിലൂടെ കൈയ്യില് നിന്നും വൈറസ് വായിലേക്ക് കടക്കാനുള്ള സാധ്യത കൂടുതലാണെന്നാണ് മന്ത്രാലയം അറിയിച്ചിരിക്കുന്നത്. പുകവലിയിലൂടെ ശ്വാസകോശ സംബന്ധമായ അണുബാധകളും വൈറസ് ബാധിക്കാനുള്ള സാധ്യതയും വളരെകൂടുതലാണെന്ന് മന്ത്രാലയം മുന്നറിയിപ്പ് നല്കി.
പുകവലിക്കാര്ക്കിടയില് കൊവിഡ് കൂടുതല് ബാധിക്കാന് സാധ്യതയുണ്ട്, കാരണം പുകവലിയിലൂടെ എന്നാല് വിരലുകള് ചുണ്ടുകളുമായി സമ്പര്ക്കം പുലര്ത്തുന്നു. ഇത് കൈയില് നിന്ന് വായിലേക്ക് വൈറസ് പകരാനുള്ള സാധ്യത വര്ദ്ധിപ്പിക്കുന്നു. വാട്ടര് പൈപ്പുകളോ ഹുക്കയോ ഉപയോഗിച്ചുള്ള പുകവലിയിലും ഈ സമ്പര്ക്ക സാധ്യതയുണ്ട്. ഇത് കൊവിഡിന്റെ പകര്ച്ചയിലേക്ക് നയിച്ചേക്കാം എന്നാണ് മന്ത്രാലയം അറിയിച്ചിരിക്കുന്നത്.
പുകയില ഉപയോഗം ഗണ്യമായ അപകടസാധ്യത സൃഷ്ടിക്കുന്നു. കാരണം, വൈറസ് പ്രാഥമികമായി ഉമിനീര് തുള്ളികളിലൂടെയോ അല്ലെങ്കില് മൂക്കില് നിന്ന് പുറന്തള്ളുന്നതിലൂടെയോ രോഗം ബാധിച്ച ഒരാള്ക്ക് ചുമ അല്ലെങ്കില് തുമ്മല് ഉണ്ടാകുമ്പോള് അത് മറ്റുള്ളവരിലേക്കും വ്യാപിക്കുന്നു.
ഹൃദയ രോഗങ്ങള്, ക്യാന്സര്, വിട്ടുമാറാത്ത ശ്വാസകോശ രോഗങ്ങള്, പ്രമേഹം എന്നീ രോഗങ്ങള്ക്ക് പുകവലി കാരണമാകാറുണ്ട്. ഇവയ്ക്കുപുറമെ കൊവിഡ് കൂടി ബാധിച്ചാല് അത് ഗുരുതരമായ മറ്റ് രോഗങ്ങള്ക്ക് കാരണമാകും. പുകവലി ശ്വാസകോശത്തിന്റെ പ്രവര്ത്തനത്തെ തടസ്സപ്പെടുത്തുന്നു, അതുവഴി രോഗപ്രതിരോധ ശേഷി കുറയ്ക്കുകയും ശരീരത്തിന് വിവിധ രോഗങ്ങളെ പ്രതിരോധിക്കാന് പ്രയാസമുണ്ടാക്കുകയും ചെയ്യുന്നു. പുകവലി, ഇ-സിഗരറ്റ്, പുകയില്ലാത്ത പുകയില, പാന്മസാല തുടങ്ങിയ ഉല്പ്പന്നങ്ങള് ഉപയോഗിക്കുന്നത് കേടുപാടുകള് കാരണം ശ്വാസകോശ സംബന്ധമായ അണുബാധകളുടെ അപകടസാധ്യതയും തീവ്രതയും വര്ദ്ധിപ്പിക്കും.
