കണ്ണൂര് : ആലക്കോട് വനമേഖലയില് പ്രവര്ത്തിച്ചിരുന്ന ചാരായ വാറ്റുകേന്ദ്രം തകര്ത്തു ഓണം സ്പെഷ്യല് ഡ്രൈവിന്റെ ഭാഗമായാണ് മലയോര പ്രദേശത്ത് റെയ്ഡ് നടത്തിയത്. രഹസ്യവിവരം ലഭിച്ചതിന്റെ അടിസ്ഥാനത്തില് ആലക്കോട് എക്സൈസ് റെയ്ഞ്ച് എക്സൈസ് ഇന്സ്പെക്ടര് ടി.വി രാമചന്ദ്രന്റെ നേതൃത്വത്തില് നടുവില്, ഉത്തൂര്, പാലേരിത്തട്ട്, വിളക്കണൂര് എന്നീ സ്ഥലങ്ങളില് നടത്തിയ റെയ്ഡിലാണ് വ്യാജചാരായ വാറ്റിനുപയോഗിക്കുന്ന വാഷും വാറ്റുപകരണങ്ങളും പിടിച്ചെടുത്തത്.
ഉത്തൂര് – തോട്ടുചാലിന് സമീപം പുറമ്ബോക്ക് കുറ്റിക്കാടുകളില് അഞ്ച് പ്ളാസ്റ്റിക് ജാറുകളിലായി സൂക്ഷിച്ച് വച്ച 150 ലിറ്റര് വാഷാണ് കണ്ടെടുത്തത്. മറ്റൊരിടമായ തോട്ടുചാലിനോട് ചേര്ന്ന് പ്രവര്ത്തിച്ച് വന്ന ഷെഡും, വാറ്റുപകരണങ്ങളും കണ്ടെത്തി നശിപ്പിക്കുകയും ചെയ്തിട്ടുണ്ട് റെയ്ഡിനിടെ കള്ളവാറ്റു സംഘം ഓടി രക്ഷപ്പെട്ടതായും ഇവര്ക്കായി തെരച്ചില് തുടങ്ങിയിട്ടുണ്ടെന്നും എക്സൈസ് സംഘം അറിയിച്ചു. റെയ്ഡില് പ്രിവന്റീവ് ഓഫീസര്മാരായ പി.ആര്.സജീവ്, പ്രിവന്റീവ് ഓഫീസര് ഗ്രേഡ് ടി.ആര് രാജേഷ് തുടങ്ങിയവര് പങ്കെടുത്തു.
