പട്ടാളക്കാരനുമായി വിവാഹം നടക്കേണ്ടിയിരുന്ന ഫെബ്രുവരിയിൽ ഗ്രീഷ്മ കോടതി കയറിയിറങ്ങും : അമ്മയും അമ്മാവനും രക്ഷപ്പെടും

പാറശാല: കേരളം നടുങ്ങിയ പാറശാല സ്വദേശി ഷാരോൺ രാജ് വധക്കേസിലെ കുറ്റപത്രം തയ്യാറായി. കുറ്റപത്രം ഇന്ന് കോടതിയിൽ സമർപ്പിക്കും. കാമുകനായിരുന്ന ഷാരോണിനെ ഒഴിവാക്കാൻ ഒന്നാം പ്രതിയായ ഗ്രീഷ്മ കഷായത്തിൽ വിഷം ചേർത്തു കൊലപ്പെടുത്തിയെന്നാണ് കുറ്റപത്രത്തിൽ വ്യക്തമാക്കുന്നത്. ഗ്രീഷ്മ അറസ്റ്റിലായി 85ാമത്തെ ദിവസമാണ് കുറ്റപത്രം സമർപ്പിക്കുന്നത്. ജില്ലാ ക്രൈം ബ്രാഞ്ചിൻ്റെ ചുമതലയുള്ള ഡിവൈഎസ്︋പി റാസിത്താണ് കുറ്റപത്രം കോടതിയിൽ സമർപ്പിക്കുന്നത്. ഷാരോൺ കേസിൻ്റെ വിചാരണ കേരളത്തിൽ തന്നെ നടത്താമെന്ന ഹൈക്കോടതി ഉത്തരവിനെ തുടർന്നാണ് കേരള പോലീസ് കുറ്റപത്രം തയ്യാറാക്കിയതും കോടതിയിൽ സമർപ്പിക്കാനൊരുങ്ങുന്നതും.

2023 ​ഫെ​ബ്രു​വ​രി​യി​ൽ​ ​ത​ൻ്റെ​ ​വി​വാ​ഹത്തിന് മു​മ്പ് ​ഷാ​രോ​ണി​നെ​ ​ഒ​ഴി​വാ​ക്കാ​നാ​യി​രു​ന്നു​ ​കൊ​ല​പാ​ത​ക​മെ​ന്ന് ​ഗ്രീ​ഷ്മ​ ​അന്വേഷണ സംഘത്തിന് മൊഴി നൽകിയിരുന്നു. ഷാരോണിനെ ഒഴിവാക്കാൻ ആദ്യവി​വാഹത്തി​ലെ ഭർത്താവ് മരി​ച്ചുപോകുമെന്ന് ജ്യോതിഷൻ പ്രവചിച്ചെന്ന് ഗ്രീഷ്മ കള്ളം പറഞ്ഞിരുന്നു. എന്നാൽ ഷാരോൺ പിൻമാറിയില്ല. തുടർന്നാണ് വി​ഷം ചേർത്ത കഷായം നൽകി​ കൊലപ്പെടുത്തിയത്.

കൃ​ഷി​ ​ആ​വ​ശ്യ​ത്തി​ന്​ ​വീട്ടി​ൽ വാ​ങ്ങി സൂ​ക്ഷി​ച്ചി​രു​ന്ന​ ​കീ​ട​നാ​ശി​നി​ ക​ഷാ​യ​ത്തി​ൽ ക​ല​‌​ർ​ത്തി​ ​ന​ൽ​കി​യാ​ണ് ​ഷാ​രോ​ണി​നെ​ ​കൊലപ്പെടുത്തിയതെന്നാണ് കുറ്റപത്രത്തിൽ പറയുന്നത്. മകൾ കൊലനടത്തിയെന്ന് മനസിലാക്കിയ ഗ്രീഷ്മയുടെ അമ്മ സിന്ധുവും അമ്മാവൻ നിർമ്മൽ കുമാരൻ നായരും ചേർന്ന് തെളിവുകൾ നശിപ്പിച്ചുവെന്നാണ് കുറ്റപത്രത്തിൽ പറയുന്നത്. എന്നാൽ കുറ്റപത്രത്തിൽ ഇരുവർക്കും അനുകൂലമായ ഘടകങ്ങൾ ചേർത്തിട്ടുണ്ടെന്നാണ് പുറത്തുവരുന്ന വിവരം.

ഷാരോണിൻ്റെ മരണമറിഞ്ഞ ഇരുവർക്കും ഗ്രീഷ്മയെ സംശയം തോന്നിയെന്നും തുടർന്ന് ഇരുവരും ചേർന്ന് കഷായത്തിൻ്റെ കുപ്പിയടക്കം നശിപ്പിക്കുകയായിരുന്നു എന്നുമാണ് കുറ്റപത്രത്തിൽ പറയുന്നത്. വിഷം നൽകിയ കുപ്പി വീടിന് ദൂരയുള്ള സ്ഥലത്ത് ഉപേക്ഷിക്കുകയായിരുന്നു എന്ന് രണ്ടും മൂന്നും പ്രതികള്‍ സമ്മതിച്ചിരുന്നു. ഇത് തെളിവെടുപ്പിൽ കണ്ടെടുക്കുകയും ചെയ്തിരുന്നു. അതുകൊണ്ടുതന്നെ ഗ്രീഷ്മ മാത്രമാണ് ഷാരോണിനെ കൊലപ്പെടുത്തിയതെന്നും ഷാരോണിനെ കൊലപ്പെടുത്താനുള്ള എല്ലാകാര്യങ്ങളും ഗ്രീഷ്മ ഒറ്റയ്ക്ക് തന്നെയാണ് നടപ്പാക്കിയതെന്നാണ് കുറ്റപത്രത്തിൽ വ്യക്തമാക്കുന്നത്. അതുകൊണ്ടുതന്നെ ഗ്രീഷ്മയുടെ അമ്മ സിന്ധുവിനും നിർമ്മൽ കുമാരൻ നായർക്കുമെതിരെ ഗൂഢാലോചന കുറ്റം ചുമത്തിയിട്ടില്ല.

തമിഴ്‌നാട് പളുകലിലുള്ള വീട്ടിൽവെച്ച് ക​ഴി​ഞ്ഞ വർഷം ഒക്ടോബ‌ർ​ 14​നാണ് ഗ്രീഷ്മ ഷാരോണിന് കഷായത്തിൽ വിഷം കലക്കി നൽകുന്നത്. ​ഗ്രീ​ഷ്മ​യു​ടെ​ ​നി​ർ​ദ്ദേ​ശ​പ്ര​കാ​രം​ ​സു​ഹൃ​ത്ത് ​റെ​ജി​നൊ​പ്പം​ ​ഷാ​രോ​ൺ​ ​റെ​ക്കാ​ഡ് ​ബു​ക്കു​ക​ൾ​ ​തി​രി​കെ​ ​വാ​ങ്ങുന്നതിനായി​ ​ആ വീട്ടിൽ എത്തിയതായിരുന്നു. റെ​ജി​നെ​ ​പു​റ​ത്തു​നി​റു​ത്തി​ ​വീ​ട്ടി​ലേ​ക്ക് ​പോ​യ​ ​ഷാ​രോ​ൺ​ ​അ​ല്പ​സ​മ​യം​ ​ക​ഴി​ഞ്ഞ് ​ഛ​ർ​ദ്ദി​ച്ച് ​അ​വ​ശ​നാ​യാ​ണ് ​പു​റ​ത്തെ​ത്തി​യ​ത്.​ ​കീടനാശി​നി​ ക​ല​ർ​ത്തി​യ​ ​ക​ഷാ​യം​ ​ക​ഴി​ച്ച​പ്പോ​ൾ​ ​അ​സ്വ​സ്ഥ​ത​ ​പ്ര​ക​ടി​പ്പി​ച്ച​ ​ഷാ​രോ​ണി​ന് ​ച​വ​‌​ർ​പ്പ് ​മാ​റാ​നെ​ന്ന​ ​പേ​രി​ൽ​ ​ജ്യൂ​സും ഗ്രീഷ്മ​ ​ന​ൽ​കി​യി​രു​ന്നു എന്നാണ് കുറ്റപത്രത്തിൽ പറയുന്നത്. ​ ​പു​റ​ത്തു​വ​ന്ന​ ശേ​ഷ​വും​ ​ഛ​‌​ർ​ദ്ദി​ച്ച​ ​ഷാ​രോ​ൺ അവസാനം വരെ ഗ്രീഷ്മയെ രക്ഷപ്പെടുത്താനാണ് ശ്രമിച്ചത്. ​റെ​ജി​നോ​ടും​ ​വീ​ട്ടു​കാ​രോ​ടും​ ​കാ​ലാ​വ​ധി​ ​ക​ഴി​ഞ്ഞ​ ​ജ്യൂ​സ് ​കു​ടി​ച്ച​തി​നെ​ ​തു​ട​ർ​ന്ന് ​അ​സ്വ​സ്ഥ​ത​ ​അ​നു​ഭ​വ​പ്പെ​ട്ടെ​ന്നാ​ണ് ഷാരോൺ ​പ​റ​ഞ്ഞിരുന്നതും.

അവശനായ ഷാരോൺ പാ​റ​ശാ​ല​ ​താ​ലൂ​ക്ക് ​ആ​ശു​പ​ത്രി​യി​ൽ​ ​പ്രാ​ഥ​മി​ക​ ​ചി​കി​ത്സ​ ​തേ​ടുകയായിരുന്നു. ​അ​ടു​ത്ത​ ​ദി​വ​സം​ ​വാ​യി​ൽ​ ​വ്ര​ണ​ങ്ങ​ൾ​ ​രൂ​പ​പ്പെ​ട്ട് ​വെ​ള്ളം​ ​കു​ടി​ക്കാ​ൻ​പോ​ലും​ ​ക​ഴി​യാ​തെ​ ​വ​ന്ന​തോടെ ​തി​രു​വ​ന​ന്ത​പു​രം​ ​മെ​ഡി​ക്ക​ൽ​ ​കോ​ളേ​ജിലേക്ക് എത്തിച്ചു. ​ഇ​വി​ടെ​ ​ചി​കി​ത്സ​യി​ലി​രി​ക്കെയാണ്​ ​വൃ​ക്ക​യും​ ​ക​ര​ളുമു​ൾ​പ്പെ​ടെ​ ​ആ​ന്ത​രി​കാ​വ​യ​വ​ങ്ങ​ൾ ത​ക​രാ​റി​ലാ​യത്. അ​ഞ്ചു​ ​ത​വ​ണ​ ​ഡ​യാ​ലി​സി​സ് ​ന​ട​ത്തി​യി​ട്ടും​ ​ഫ​ലം​ ​കാ​ണാ​ത്ത​തി​നെ​ ​തു​ട​ർ​ന്ന് ഷാരോണിനെ ​വെ​ൻ്റി​ലേ​റ്റ​റി​ലേ​ക്ക് ​മാ​റ്റുകയായിരുന്നു.

തുടർന്ന് ​ഡോ​ക്ട​ർ​മാ​ർ​ ​വി​വ​രം​ ​പാ​റ​ശാ​ല​ ​പോ​ലീ​സി​ന് ​കൈ​മാ​റി​യ​തി​നെ​ ​തു​ട​ർ​ന്ന് ​മ​ജി​സ്ട്രേ​ട്ടിൻ്റെ​ ​നേ​തൃ​ത്വ​ത്തി​ൽ​ ​ഷാ​രോ​ണി​ന്റെ​ ​മ​ര​ണ മൊ​ഴി​ ​രേ​ഖ​പ്പെ​ടു​ത്തിയിരുന്നു. ഈ മൊഴിയിലും ഷാരോൺ ഗ്രീഷ്മയെ രക്ഷപ്പെടുത്താനാണ് ശ്രമിച്ചത്. ​ചി​കി​ത്സ​യി​ലി​രി​ക്കെ​ ​നവംബർ 25നാണ് ​ഷാ​രോ​ൺ​ ​മ​രി​ച്ച​ത്. തുടക്കത്തിൽ പാറശാല പോലീസ് ഷാരോണിൻ്റേത് സാധാരണ മരണമെന്നായിരുന്നു വിലയിരുത്തിയത്. എന്നാൽ പ്രത്യേക സംഘം അന്വേഷണം ഏറ്റെടുക്കുകയും തുടർന്നു നടന്ന ചോദ്യം ചെയ്യലിൽ ഗ്രീഷ്മ കുറ്റം സമ്മതിക്കുകയുമായിരുന്നു.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033