വര്ക്കല : സാമൂഹിക ക്ഷേമ വകുപ്പിന്റെ അനുമതിയില്ലാതെ വര്ക്കലയില് പ്രവര്ത്തിച്ചുവന്ന ഗോവര്ധനം ചാരിറ്റി ഹോമിലെ അന്തേവാസികളെ മാറ്റി പാര്പ്പിച്ചു.16 പേരെയാണ് സുരക്ഷിതമായ സ്ഥലത്തേക്ക് മാറ്റിയത്. സാമൂഹിക ക്ഷേമ വകുപ്പ് ജില്ലാ ഓഫീസറുടെ നേതൃത്വത്തിലുള്ള ഉദ്യോഗസ്ഥര് എത്തിയാണ് നടപടികള് സ്വീകരിച്ചത്.
ബന്ധുക്കളാരുമില്ലാത്തവരെയാണ് ആദ്യപടിയായി ഇവിടെനിന്നും മാറ്റിയത്. അവശേഷിക്കുന്നവരുടെ മേല്വിലാസം കണ്ടെത്തി അവരവരുടെ ബന്ധുക്കളെ ഏല്പ്പിക്കാനും നടപടി സ്വീകരിച്ചതായി സാമൂഹ്യ ക്ഷേമ വകുപ്പ് ജില്ലാ ഓഫീസര് ഷൈനിമോള് പറഞ്ഞു. ഗോവര്ധനം ചാരിറ്റി ഹോം രജിസ്ട്രേഷന് മാനദണ്ഡങ്ങള് പാലിക്കാതെയും അടിസ്ഥാന സൗകര്യങ്ങളില്ലാതെയും പ്രവര്ത്തിച്ചുവന്നത് കണ്ടെത്തിയതിനെ തുടര്ന്നാണ് അധികൃതര് നടപടി സ്വീകരിച്ചത്.
