ചാത്തന്നൂര് : ചാത്തന്നൂരില് അവിവാഹിതയായ യുവതിയെ പീഡിപ്പിച്ചശേഷം ഒളിവില് പോയ ബംഗാളി യുവാവ് അറസ്റ്റില്. പശ്ചിമബംഗാള് ജാല്പായ്ഗുഡി സ്വദേശിയായ ഉത്തംദാസ് (31) ആണ് കോട്ടയത്തു നിന്ന് പിടിയിലായത്. കരാര് തൊഴിലാളിയായ ഇയാള് കെട്ടിടനിര്മാണ കമ്പനിയിലെ ജീവനക്കാരിയെ വിവാഹവാഗ്ദാനം നല്കി നിരവധി തവണ നാവായിക്കുളത്തും ശ്രീകാര്യത്തുംവെച്ച് പീഡിപ്പിച്ചതായി പോലീസ് പറഞ്ഞു.
ചാത്തന്നൂര് എ.സി.പി.ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില് പാരിപ്പള്ളി ഐ.എസ്.എച്ച്.ഒ. രൂപേഷ് രാജ്, പ്രൊബേഷണറി എസ്.ഐ. മിനുമോള്, ഗ്രേഡ് എസ്.ഐ. ദിലീപ്, എ.എസ്.ഐ. രമേശ്, എസ്.സി.പി.ഒ. ജയിന്, അജു ഫെര്ണാണ്ടസ് എന്നിവരുള്പ്പെട്ട സംഘമാണ് പ്രതിയെ അറസ്റ്റ് ചെയ്തത്. പ്രതിയെ പരവൂര് കോടതിയില് ഹാജരാക്കി റിമാന്ഡ് ചെയ്തു.
