മുംബൈ : മുംബൈ ജുമാ മസ്ജിദിന് സമീപത്തെ കെട്ടിടത്തില് വന് തീപിടുത്തം. കട്ട്ലെറി മാര്ക്കറ്റിലെ മസ്ജിദിന് സമീപമുള്ള ഇസ്മയില് കെട്ടിടത്തിലാണ് തീപിടുത്തം ഉണ്ടായത്. അപകടത്തില് ആളപായം ഇതുവരെ റിപ്പോര്ട്ട് ചെയ്തിട്ടില്ല. കെട്ടിടത്തിന്റെ ആദ്യ നിലയില് ഞായറാഴ്ച വൈകിട്ടോടെയാണ് തീപടര്ന്നത് . കെട്ടിടത്തിനുള്ളില് നിന്നും തീയും പുകയും ഉയരുന്നത് കണ്ട നാട്ടുകാര് വിവരം ബ്രിഹാന് മുംബൈ കോര്പ്പറേഷന് അധികൃതരെ അറിയിക്കുകയായിരുന്നു. ഉടനെ ദുരന്തനിവാരണ വിഭാഗത്തിലെ അഗ്നിശമന സേന എത്തി തീ അണയ്ക്കാനുള്ള പ്രവര്ത്തനങ്ങള് ആരംഭിച്ചു.
