കളമശ്ശേരി : മില്മയില് ജോലി വാഗ്ദാനം ചെയ്ത് സ്ത്രീകളില്നിന്ന് അഞ്ച് ലക്ഷം രൂപ തട്ടിയെടുത്തയാള് പിടിയിലായി. ഇടപ്പള്ളി പോണേക്കര പൂത്തോളില് വീട്ടില് സുരേശ് റാമാണ് (40) കളമശ്ശേരി പോലീസിന്റെ പിടിയിലായത്. രാഷ്ട്രീയ സ്വാധീനമുണ്ടെന്ന് പറഞ്ഞ് സ്ത്രീകളെ കബളിപ്പിച്ചാണ് പണം തട്ടിയെടുത്തത്.
കബളിപ്പിക്കപ്പെട്ട കളമശ്ശേരി പള്ളിലാംകര സ്വദേശിനിയുടെ പരാതിയില് ഇയാളെ നിരീക്ഷിച്ച് വരികയായിരുന്നു. മൊബൈല് സിംകാര്ഡ് മാറ്റിമാറ്റി ഉപയോഗിച്ചുവരുന്ന ഇയാളെ ഇടപ്പള്ളിയില് നിന്നും പിടികൂടുകയായിരുന്നു. സി.ഐ പി.ആര്. സന്തോഷ്, എസ്.ഐ വി.ജെ. ജോസഫ്, എ.എസ്.ഐ സുനില് കുമാര്, ശ്രീജിത്, ഷിബു എന്നിവര് അടങ്ങിയ സംഘമാണ് പ്രതിയെ പിടികൂടിയത്.
