കളമശ്ശേരി: വീട്ടിലെ പോര്ച്ചില് നിര്ത്തിയിട്ടിരുന്ന കാറും ഇരുചക്രവാഹനങ്ങളും കത്തിച്ച സംഭവത്തില് ഒരാള് അറസ്റ്റില്. കടപ്പിള്ളി സ്വദേശി അബ്ദുല് ജലീലാണ് (49) അറസ്റ്റിലായത്. പെരിങ്ങഴ എച്ച്.എം.ടി കോളനി വെളുത്തേടത്ത് മുഹമ്മദ് അനീസിന്റെ (28) കാറും ഇരുചക്രവാഹനങ്ങളും കത്തിച്ച പരാതിയിലാണ് നടപടി.
കഴിഞ്ഞ ബുധനാഴ്ച പുലര്ച്ചയോടെയാണ് കേസിനാസ്പദമായ സംഭവം നടന്നത്. കാറിലെത്തിയ മൂന്നംഗ സംഘം തീകൊളുത്തി കടന്നുകളഞ്ഞെന്നായിരുന്നു അനീസ് കളമശ്ശേരി പോലീസിന് നല്കിയ പരാതി. എന്നാല് കൃത്യം താന് ഒറ്റക്കാണ് ചെയ്തതെന്ന് പ്രതി സമ്മതിച്ചതായി പോലീസ് പറഞ്ഞു.
