കോന്നി : തൊഴിൽ ലഭിക്കുവാന് ആവശ്യമായ ഭൗതിക സാഹചര്യങ്ങൾ ഉണ്ടാകണമെന്ന് എ ഐ റ്റി യു സി പത്തനംതിട്ട ജില്ലാ സെക്രട്ടറി ചെങ്ങറ സുരേന്ദ്രൻ പറഞ്ഞു. കേരള ഇലക്ട്രിസിറ്റി വർക്കേഴ്സ് ഫെഡറേഷൻ(എ ഐ റ്റി യു സി) പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ സംഘടിപ്പിച്ച എം സുകുമാരപിള്ള അനുസ്മരണ സമ്മേളനം കോന്നിയിൽ ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം.
തൊഴിൽ ലഭിക്കുന്നതിശാവശ്യമായ ഭൗതിക സാഹചര്യങ്ങൾ സൃഷ്ടിക്കുന്നതിൽ എ ഐ റ്റി യു സി വലിയ പങ്കാണ് വഹിക്കുന്നത്. ഇതിൽ സുകുമാരപിള്ള സാറിന്റെ പങ്ക് വളരെ വലുതാണ്. എല്ലാവർക്കും പ്രിയങ്കരനായിരുന്ന അദ്ദേഹം നമ്മുടെ ഓർമ്മകളിൽ ഇപ്പോഴും ജീവിക്കുന്നു. വ്യക്തിബന്ധങ്ങളാണ് ട്രേഡ് യൂണിയനുകൾ വളരുന്നതിന്റെ പ്രധാന ഘടകമെന്നും അദ്ദേഹം പറഞ്ഞു. ജില്ലാ പ്രസിഡന്റ് വി എൻ പൊടിമോൻ അദ്ധ്യക്ഷത വഹിച്ചു. ബിജു എം ശാമുവേൽ, എ ഐ റ്റി യു സി സംസ്ഥാന സെക്രട്ടറിയേറ്റംഗം ബാബുരാജ് റ്റി ജെ, ജില്ലാ സെക്രട്ടറി മനോജ് ദത്ത്, സംസ്ഥാന കൗൺസിലംഗങ്ങളായ രാജു വി, രാജേഷ് പി തുടങ്ങിയവർ സംസാരിച്ചു.
