ചെന്നൈ: ചെന്നൈയില് പൗരത്വ ഭേദഗതി നിയമത്തിനെതിരെ കോലം വരച്ച് പ്രതിഷേധിച്ചവര്ക്ക് പാക് ബന്ധമെന്ന് ആരോപിച്ച് ചെന്നൈ പോലീസ്. പ്രതിഷേധക്കാരില് ചിലരുടെ സമൂഹമാധ്യമ അക്കൗണ്ടുകളുടെ സ്ക്രീന്ഷോട്ട് തെളിവായി ഉയര്ത്തിയാണ് പോലീസ് ഇത്തരമൊരു ആരോപണം ഉന്നയിക്കുന്നത്.
പൗരത്വ ഭേദഗതി നിയമത്തിനെതിരെ ചെന്നൈയില് കോലം വരച്ച് പ്രതിഷേധിച്ചത് വന് ശ്രദ്ധ നേടിയിരുന്നു. ഇതിന് പിന്നാലെ കോലം വരച്ചവരെ പോലീസ് അറസ്റ്റു ചെയ്ത് നീക്കി. പോലീസ് നടപടിക്കെതിരെ വ്യാപക പ്രതിഷേധം ഉയര്ന്നതോടെ അറസ്റ്റ് ചെയ്തവരെ വിട്ടയച്ചു.
എന്നാല്, തമിഴ്നാട്ടില് എല്ലായിടത്തും സമാന പ്രതിഷേധം ഉയര്ന്നതോടെ പോലീസിന് ആകെ നാണക്കേടായി. ഇതോടെയാണ് കോലമെഴുതി പ്രതിഷേധിച്ചവരും നേതൃത്വം നല്കിയവരും പാക് ബന്ധമുള്ളവരാണെന്ന് പോലീസ് ആരോപിക്കുന്നത്. പ്രതിഷേധക്കാരോട് പാകിസ്ഥാനിലേയ്ക്ക് പോകാന് പോലീസ് പറഞ്ഞത് മുന്പ് വിവാദമായിരുന്നു.
