കണ്ണൂര് : ഉന്നത വിദ്യാഭ്യാസ മന്ത്രി ആര്. ബിന്ദു ചെയ്തത് അധികാര ദുര്വിനിയോഗമാണെന്നും മന്ത്രിയെ അയോഗ്യയാക്കണമെന്നും ആവശ്യപ്പെട്ട് കോണ്ഗ്രസ് നേതാവ് രമേശ് ചെന്നിത്തല ലോകായുക്തയെ സമീപിച്ചു. കണ്ണൂര് സര്വ്വകലാശാല വൈസ് ചാന്സിലര്ക്ക് പുനര്നിയമനം നല്കണമെന്നാവശ്യപ്പെട്ട് യൂണിവേഴ്സിറ്റി ചാന്സിലര് കൂടിയായ ഗവര്ണര്ക്ക് മന്ത്രി ബിന്ദു കത്തെഴുതിയത് അധികാര ദുര്വിനിയോഗവുമാണെന്നാണ് രമേശ് ചെന്നിത്തല പരാതി നല്കിയിരിക്കുന്നത്.
നടപടി അഴിമതിയും സ്വജനപക്ഷപാതവും അധികാര ദുര്വിനിയോഗവുമാണെന്നും അതിനാല് മന്ത്രിയെ അയോഗ്യയായി പ്രഖ്യാപിക്കണമെന്നുമാണ് ലോകായുക്തയില് ഫയല് ചെയ്ത ഹര്ജിയിലെ ആവശ്യം. ഹര്ജിയില് സര്ക്കാരിന്റെയും മന്ത്രി ബിന്ദുവിന്റെയും വിശദീകരണം ജസ്റ്റിസ് ആവശ്യപ്പെട്ടു. സിറിയക് ജോസഫ്, ജസ്റ്റിസ് ഹരുണ് ആര്.റഷീദ് എന്നിവര് ഉള്പ്പെട്ട ഡിവിഷന് ബെഞ്ച് കേസ് ഈ മാസം 18 ന് പരിഗണിക്കും.
