തിരുവനന്തപുരം : നിയമസഭ തെരഞ്ഞെടുപ്പ് ഫലം സംബന്ധിച്ച എക്സിറ്റ് പോളില് വിശ്വാസമില്ലെന്ന് പ്രതിപക്ഷ നേതാവ് രമേശ് ചെന്നിത്തല. സര്വേകള് ജനവികാരത്തിന്റെ യഥാര്ഥ പ്രതിഫലനമല്ല. യു.ഡി.എഫ് വന് വിജയം നേടും. ലോക്സഭ തെരഞ്ഞെടുപ്പിലും എക്സിറ്റ് പോള് എതിരായിരുന്നു. ഫലം വന്നപ്പോള് യു.ഡി.എഫിന് വന് നേട്ടമുണ്ടായെന്നും ചെന്നിത്തല ചൂണ്ടിക്കാട്ടി.
ഭരണത്തുടര്ച്ച കേരളം ആഗ്രഹിക്കുന്നില്ല. ജനങ്ങളുടെ വികാരം സര്വേകള് പ്രതിഫലിപ്പിച്ചില്ല. കേരളത്തില് യു.ഡി.എഫ് നേതൃത്വത്തില് ഭരണമുണ്ടാകും. പരാജിതന്റെ കപട ആത്മവിശ്വാസമാണ് മുഖ്യമന്ത്രിക്കെന്നും ചെന്നിത്തല മാധ്യമങ്ങളോട് പറഞ്ഞു.
കേരളത്തില് തുടര്ഭരണം ജനങ്ങള് ആഗ്രഹിക്കുന്നതായി എല്.ഡി.എഫ് കണ്വീനര് എ. വിജയരാഘവന് പറഞ്ഞു. തെരഞ്ഞെടുപ്പ് ഫലം സംബന്ധിച്ച് എല്.ഡി.എഫ് തികഞ്ഞ ആത്മവിശ്വാസത്തിലാണ്. കഴിഞ്ഞ തവണത്തേക്കാള് സീറ്റുകള് ലഭിക്കും. തുടര്ഭരണം വന്നാല് യു.ഡി.എഫ് തകരുമെന്നും വിജയരാഘവന് മാധ്യമങ്ങളോട് പറഞ്ഞു.
