തിരുവനന്തപുരം: പ്രതിപക്ഷ നേതാവായിരുന്ന കാലത്ത് ഭരണപക്ഷത്തിനെതിരെ ഉന്നയിച്ച കാര്യങ്ങള് ശരിയാണെന്നു തെളിഞ്ഞെന്നു രമേശ് ചെന്നിത്തല. സത്യങ്ങള് എത്ര ഒളിപ്പിക്കാന് ശ്രമിച്ചാലും പുറത്തു വരും. അത് ഇനി ഏത് ബിരിയാണി പാത്രത്തില് ഒളിപ്പിച്ചാലും. കേസിന്റെ തെളിവുകള് ഓരോ ദിനമായി പുറത്തുവന്നുക്കൊണ്ടിരിക്കെ സ്വര്ണക്കടത്തു കേസിലെ ഒന്നാം പ്രതി മുഖ്യമന്ത്രി പിണറായി വിജയന് തന്നെയാണെന്നു രമേശ് ചെന്നിത്തല.
എത്ര മൂടിവെയ്ക്കാൻ ശ്രമിച്ചാലും അതു നടക്കില്ല, പഴയകേസ്സെന്ന പേരില് തളളിക്കളയാനും സാധിക്കില്ല. അഴിമതിക്കറ കഴുകി കളയാന് ശ്രമിച്ചാലും അതു സാധ്യമല്ല. ഇനിയും വസ്തുതകള് പുറത്തു വരാന് ഉണ്ട്. എന്തായാലും ഗുരുതരമായ വിവരമാണ് പുറത്തു വന്നിരിക്കുന്നതിനാല് അന്വേഷണ ഏജന്സികള് കേസു ഗൗരവമായി കാണുമെന്നു പ്രതീക്ഷിക്കുന്നു എന്ന് ചെന്നിത്തല വ്യക്തമാക്കി.
