തൃശ്ശൂര്: നവതി പിന്നിട്ട് തൃശൂരിലെ രാഷ്ട്രീയ സാമൂഹ്യ സാംസ്കാരികമേഖലയില് നിറഞ്ഞു നില്ക്കുന്ന മുതിര്ന്ന കോണ്ഗ്രസ് നേതാവും അദ്ധ്യാപകനും ജനപ്രതിനിധിയുമായിരുന്ന എ.എന്.വാസുദേവന് നമ്പൂതിരിയെ രമേശ് ചെന്നിത്തല സന്ദര്ശിച്ചു. നവതി ആശംസകള് നേര്ന്ന ചെന്നിത്തല പൊന്നാടയണിച്ച് അദ്ദേഹത്തെ ആദരിച്ചു. കെ.എസ്.യു പ്രവര്ത്തന കാലം മുതലുള്ള പരിചയമാണ് മാഷുമായി എന്നും നിരവധി പഠന ക്യാമ്പുകളിലൂടെ കോണ്ഗ്രസ് പ്രവര്ത്തകരെ ആശയദൃഢതയുള്ളവരാക്കുന്നതില് വാസുദേവന് മാഷിന്റെ പങ്ക് വളരെ വലുതാണന്നും രമേശ് ചെന്നിത്തല പറഞ്ഞു.
ഡി.സി.സി പ്രസിഡന്റ് ജോസ് വള്ളൂര്, കെ.പി.സി.സി സെക്രട്ടറി എ.പ്രസാദ്, അയ്യന്തോള് മണ്ഡലം പ്രസിഡന്റ് കെ.സുരേഷ്, കൗണ്സിലര്മാരായ കെ.രാമനാഥന്, ശ്രീലാല് ശ്രീധര്, ലാലി ജെയിംസ്, രാമചന്ദ്രന് പുതൂര്ക്കര, യൂത്ത് കോണ്ഗ്രസ്സ് മണ്ഡലം പ്രസിഡണ്ട് കെ.സുമേഷ്, യൂത്ത് കോണ്ഗ്രസ്സ് ജില്ലാ കമ്മറ്റിയംഗം ജീന്സി പ്രീജോ, ജോയ്സി ജോസ്, ഷീല രാജന്, കെ.വി.ശ്രീനി, വി.ലീലാകരന്, കെ രജ്ജിത്ത്, സത്യന് വി.കെ, എന്നിവര് സന്നിഹിതരായിരുന്നു.
