റാന്നി: എല്ലാ കാലത്തും ആദ്യം റാന്നിയില് റോഡില് വെള്ളം കയറുന്ന സ്ഥലമായ ചെത്തോങ്കരയില് ഇത്തവണ വെള്ളം കയറിയില്ല. സംസ്ഥാന പാതയിലെ ചെത്തോങ്കരയിലും എസ്.സി പടിയിലും മഴപെയ്താൽ വെള്ളപ്പൊക്കമുണ്ടാകുമായിരുന്നു. എന്നാൽ കാലവര്ഷം കനത്തിട്ടും പമ്പാ നദി കരകവിഞ്ഞിട്ടും വെള്ളം കയറുന്ന സ്ഥലങ്ങളിലൊന്നായിരുന്ന ഇവിടം ശാന്തമായിരുന്നു. സംസ്ഥാന പാതയുടെ നവീകരണ ഭാഗമായി ഇവിടം ഉയർത്തിയതു കൊണ്ടാണ് വെള്ളം കയറാതെ പോയത്.
ജലനിരപ്പ് അപകടകരമായി ഉയര്ന്ന കഴിഞ്ഞ ദിവസം അഞ്ചടിയിലധികം ഉയർന്നാൽ മാത്രമെ പാതയിൽ വെള്ളം കയറുകയുള്ളായിരുന്നു. തോടിന് വീതി കൂട്ടുന്ന ജോലികളും ഇപ്പോള് നടന്നു വരികയാണ്. ഇതു കൂടി ചെയ്യുന്നതോടെ പാത കൂടുതൽ സുരക്ഷിതമാവും. പുനലൂർ-മൂവാറ്റുപുഴ സംസ്ഥാന പാതയിൽ ഉയരം കൂട്ടാതെ നിര്മ്മാണം നടത്താന് കെ.എസ്.ടി.പി ശ്രമിച്ചപ്പോള് നാട്ടുകാര് എതിര്ത്തിരുന്നു.
