കൊയിലാണ്ടി : കാർഷികവൃത്തിയിൽ നിന്ന് പിന്നോട്ടു പോകുന്ന പുതുതലമുറക്ക് ആവേശം പകർന്ന് ഒരുപറ്റം എൻഎസ്എസ് വളന്റിയേഴ്സ്. പൊയിൽക്കാവ് ഹയർ സെക്കൻഡറി സ്കൂൾ എൻഎസ്എസ് യൂണിറ്റും ചേലിയ അർപ്പണം ചാരിറ്റബിൾ സൊസൈറ്റിയും ചേർന്ന് ചേലിയ അരങ്ങിൽ പറമ്പിൽ അമ്പത് സെന്റ് സ്ഥലത്ത് വാഴകൃഷി ആരംഭിച്ചു. നിലമൊരുക്കൽ പ്രവർത്തനം ഉണ്ണിക്കൃഷ്ണൻ ഇയ്യക്കുന്നത്ത് ഉദ്ഘാടനംചെയ്തു.
എൻഎസ്എസ് കൊയിലാണ്ടി ക്ലസ്റ്റർ കൺവീനറും അർപ്പണം ചേലിയ പ്രസിഡന്റുമായ കെ.പി അനിൽകുമാർ അധ്യക്ഷനായി. അർപ്പണം സെക്രട്ടറി ഉണ്ണിക്കൃഷ്ണൻ കുന്നത്ത്, ട്രഷറർ കാന്ത്യം പറമ്പത്ത് രാമചന്ദ്രൻ, ഉണ്ണിക്കൃഷ്ണൻ താഴത്തൊടി, രാജൻ നീലക്കഞ്ചേരി എന്നിവർ സംസാരിച്ചു. ഇരുപത്തിയഞ്ചോളം എൻഎസ്എസ് വളന്റിയർമാരും അർപ്പണം പ്രവർത്തകരും നിലമൊരുക്കലിൽ പങ്കെടുത്തു. ചടങ്ങിൽ പ്രോഗ്രാം ഓഫീസർ മിഥുൻ സ്വാഗതവും വളന്റിയർ മാധുരി നന്ദിയും പറഞ്ഞു.