എറണാകുളം: കുട്ടികളുടെ അശ്ലീല വീഡിയോകള് പ്രചരിപ്പിച്ച കേസില് ഒരാള് പോലീസ് പിടിയില്. ഇടുക്കി തൊടുപുഴ സ്വദേശി ജിനു ബേബിയാണ് എറണാകുളം നോര്ത്ത് പോലീസിന്റെ പിടിയിലായത്. കലൂര് ആസാദ് റോഡില് വാടകയ്ക്ക് താമസിക്കുകയായിരുന്നു ഇയാള്. സൈബര് ഡോമിന്റെ നേതൃത്വത്തില് ഓപ്പറേഷന് പി ഹണ്ടിന്റെ ഭാഗമായി നടന്ന റെയ്ഡിലാണ് അറസ്റ്റ്. പിടിയിലായ ജിനു ബേബി നിരവധി അശ്ലീല വാട്ട്സ് ആപ്പ് ഗ്രൂപ്പ്, ഇന്സ്റ്റാഗ്രാം ഗ്രൂപ്പുകളില് അംഗമാണ്. ജിനുവിന്റെ മൊബൈല് ഫോണില് ആറ് മുതല് 15 വയസ്സ് വരെ മാത്രം പ്രായമുള്ള കുട്ടികളെ ലൈംഗികമായി പീഢിപ്പിക്കുന്ന നിരവധി അശ്ലീല വീഡിയോകളും 1000-ഓളം മറ്റ് അശ്ലീല വീഡിയോകളും കണ്ടെടുത്തു.
