ചൈന : ശ്വാസകോശങ്ങളെ ബാധിക്കുന്ന രോഗാണുക്കളെ തിരിച്ചറിയാന് സഹായിക്കുന്ന മാസ്ക് വികസിപ്പിച്ച് ചൈന. വായുവിലോ അന്തരീക്ഷത്തിലെ ജലകണങ്ങളിലോ ഉള്ള രോഗാണുക്കളെ കണ്ടെത്തി പത്തു മിനിറ്റിനകം മൊബൈല് ഫോണ് ആപ്ലിക്കേഷന് വഴി ഉപയോക്താവിനെ അറിയിക്കാന്കഴിയും. രോഗാണുക്കളെ തിരിച്ചറിഞ്ഞ് മുന്നറിയിപ്പ് നല്കും വിധം കൂടുതല് കാര്യക്ഷമമായ മാസ്ക് വികസിപ്പിക്കാനാണ് ശ്രമിക്കുന്നതെന്ന് ചൈനയിലെ ഷാങ്ഹായ് ടോങ്ജി സര്വകലാശാലയിലെ യിന് ഫാങ് അഭിപ്രായപ്പെട്ടു.
പ്രത്യേകം തയ്യാറാക്കിയ അറയില് വൈറസ് സാന്നിധ്യമുള്ള ജലകണങ്ങളും വായുവും സ്പ്രേ ചെയ്താണ് ഫാങ്ങും സംഘവും മാസ്കിന്റെ കൃത്യത പരീക്ഷിച്ചത്. തുമ്മുമ്പോഴും ചുമയ്ക്കുമ്പോഴും പുറത്തുവരുന്ന കണങ്ങളേക്കാള് 70 മുതല് 560 മടങ്ങുവരെ ചെറിയ ദ്രവകണങ്ങളില്പ്പോലും വൈറസ് സാന്നിധ്യം സ്ഥിരീകരിക്കാന് മാസ്കിന് സാധിച്ചു.
