ന്യൂഡൽഹി : രാത്രി ഉറങ്ങിക്കിടന്നവര്ക്കു മേല് അതിവേഗത്തിലെത്തിയ ട്രക്ക് പാഞ്ഞുകയറി നാല് പേര് മരിച്ചു. സീമാപുര് മേഖലയില് റോഡ് ഡിവൈഡറില് ഉറങ്ങി കിടന്നിരുന്നവരുടെ മുകളിലാണ് ട്രക്ക് കയറിയത്. ഡൽഹി സീമാപുരിയിൽ ഇന്നലെ രാത്രിയോടെയാണ് സംഭവം. കരീം(52), ഛോട്ടെ ഖാൻ(25), ഷാ അലാം(38), രാഹു(45) എന്നിവരാണ് മരിച്ചത്. മനീഷ്(16), പ്രദീപ്(30) എന്നിവർക്ക് പരുക്കേറ്റു. സംഭവത്തിനു ശേഷം ട്രക്കുമായി ഡ്രൈവർ രക്ഷപ്പെടുകയായിരുന്നു. ഇയാൾക്കായി അന്വേഷണം നടക്കുന്നതായി പോലീസ് അറിയിച്ചു.
