പന്തളം : സ്വാതന്ത്ര്യ ദിനത്തിൽ പന്തളം എന്.എസ്.എസ് കോളേജിലെ പൂർവവിദ്യാർത്ഥി സംഘടനയായ ചിരാതിന്റെ നേതൃത്വത്തിൽ നൂറനാട് പഞ്ചായത്തിലെ ആരോഗ്യപ്രവർത്തകരെയും ആശാ വർക്കർമാരെയും ആദരിച്ചു. പഞ്ചായത്ത് പ്രസിഡന്റ് അശോകൻ നായർ ചടങ്ങിന്റെ ഉത്ഘാടനം നിർവഹിച്ചു. സുരേഷ് ഗോപി എം.പി ഒപ്പിട്ടുനല്കിയ പ്രശസ്തി പത്രം ആരോഗ്യപ്രവർത്തകര്ക്കും ആശാ വർക്കർമാര്ക്കും നല്കി ആദരിച്ചു. കേരളാ യൂണിവേഴ്സിറ്റി മുന് സെനറ്റ് അംഗം അനൂപ് ചടങ്ങില് അധ്യക്ഷത വഹിച്ചു. ഹെൽത്ത് ഇൻസ്പെക്ടർ രാജീവ് മുഖ്യാതിഥിയായി പങ്കെടുത്തു. ചിരാത് അംഗം രാഹുൽ ഇ.ആർ, ആലപ്പുഴ ജില്ലാ കോർഡിനേറ്റർ അശ്വിൻ വി കുമാർ എന്നിവര് സന്നിഹരായിരുന്നു.
