കൊച്ചി: ഷിഗെല്ല രോഗമെന്ന് സംശയിച്ച് സ്വകാര്യ ആശുപത്രിയില് ചികിത്സയിലുണ്ടായിരുന്ന ചോറ്റാനിക്കര സ്വദേശിനിക്ക് രോഗം സ്ഥിരീകരിച്ചു. റീജനല് പബ്ലിക്ക് ഹെല്ത്ത് ലാബില് നടത്തിയ സാമ്ബിള് പരിശോധനയിലാണ് രോഗം റിപ്പോര്ട്ട് ചെയ്തിരിക്കുന്നത്.
ഡിസംബര് 23ന് ചികിത്സ തേടിയ ഇവര് കഴിഞ്ഞ ദിവസം രോഗമുക്തയായതിനെ തുടര്ന്ന് ആശുപത്രി വിടുകയുണ്ടായി. രോഗബാധ റിപ്പോര്ട്ട് ചെയ്ത ഉടന് തന്നെ ആരോഗ്യ വകുപ്പ് പ്രദേശത്ത് പ്രതിരോധ പ്രവര്ത്തനങ്ങള് ശക്തിപ്പെടുത്തിയിരുന്നു. രോഗബാധ കണ്ടെത്തിയ വീട്ടിലെ ഉള്പ്പെടെ പ്രദേശത്തെ കിണറുകളിലെ വെള്ളത്തിന്റെ സാമ്ബിള് പരിശോധനയ്ക്കായി അയച്ചിരിക്കുകയാണ് ഇപ്പോള്.
രോഗത്തിന്റെ ഉറവിടം കണ്ടെത്തുന്നതിന്റെ ഭാഗമായാണ് വെള്ളത്തിന്റെ സാമ്ബിളുകള് ശേഖരിക്കുകയുണ്ടായത്. കൂടാതെ പ്രദേശത്തെ ഹോട്ടലുകളിലും ഭക്ഷണ ശാലകളിലും ആരോഗ്യ വകുപ്പും ഭക്ഷ്യ സുരക്ഷ വകുപ്പും സംയോജിതമായി പരിശോധന നടത്തുകയാണ്.
