തിരുവനന്തപുരം : ഈ മാസം മുതല് ക്ഷേമ പെന്ഷന് 1,500 രൂപ. 2021 ജനുവരി ഒന്ന് മുതല് ക്ഷേമ പെന്ഷന് 1,500 രൂപയായിരിക്കുമെന്ന് മുഖ്യമന്ത്രി പിണറായി വിജയന് നേരത്തെ പ്രഖ്യാപിച്ചിരുന്നു. 1,400 ല് നിന്ന് നൂറ് രൂപ കൂടി വര്ധിപ്പിച്ചു. അടുത്ത ബജറ്റില് പെന്ഷന് നൂറ് രൂപ കൂടി വര്ധിപ്പിച്ച് 1,600 ആക്കാനും സാധ്യതയുണ്ട്. പിണറായി വിജയന് സര്ക്കാരിന്റെ അവസാന ബജറ്റാണ് ഇനി അവതരിപ്പിക്കാനുള്ളത്.
ഡിസംബര് മാസത്തെ സൗജന്യ ഭക്ഷ്യകിറ്റ് വിതരണം ജനുവരി ഒന്പത് വരെ നടക്കും. കിറ്റ് വാങ്ങാന് സാധിക്കാത്തവര് ജനുവരി ഒന്പതിനുള്ളില് റേഷന് കടകളില് നിന്ന് കിറ്റ് വാങ്ങണം. ഡിസംബര് മാസത്തെ കിറ്റ് ക്രിസ്മസ് കിറ്റായാണ് വിതരണം ചെയ്യുന്നത്. പല റേഷന് കടകളിലും കിറ്റ് വിതരണം സാവധാനത്തിലാണ്. നാല് മാസം കൂടി സൗജന്യ ഭക്ഷ്യകിറ്റ് വിതരണം തുടരും.
