തിരുവനന്തപുരം : സിനിമാ മേഖലയിലെ പ്രശ്നം ചര്ച്ച ചെയ്യുമെന്ന് വ്യവസായ മന്ത്രി പി.രാജീവ്. കോവിഡ് പ്രോട്ടോകോളുമായി ബന്ധപ്പെട്ടാണ് ഇത്തരത്തില് ഒരു പ്രശ്നം ഉണ്ടായതെന്നും സാംസ്കാരിക വകുപ്പും വ്യവസായ വകുപ്പും ഒരുപോലെ പ്രശ്നപരിഹാരത്തിന് ശ്രമിക്കുന്നുണ്ടെന്നും മന്ത്രി പറഞ്ഞു. ഫെഫ്കയുടെ ഭാരവാഹികളുമായി ബന്ധപ്പെടാന് കഴിഞ്ഞുവെന്നും സിനിമാ ചിത്രീകരണത്തിന് അടിസ്ഥാന സ്ഥലം ഒരുക്കിക്കൊടുക്കുന്ന കാര്യം പരിശോധിക്കുമെന്നും മന്ത്രി വ്യക്തമാക്കി.
