കൊച്ചി : കോണ്ക്രീറ്റ് ബീം ഇടിഞ്ഞ് വീണ് തൊഴിലാളി മരിച്ചു. കൊച്ചി പനമ്പിള്ളി നഗറിലെ വിദ്യാനഗര് കോളനിയിലാണ് അപകടമുണ്ടായത്. തൊഴിലാളിയുടെ മൃതദേഹം പന്ത്രണ്ടാം നിലയില് ഒരു കമ്പിന് മുകളില് തൂങ്ങിക്കിടക്കുകയാണ്.
മരിച്ചയാളുടെ പേരുവിവരങ്ങള് ഇതുവരെ ലഭ്യമായിട്ടില്ല. കോണ്ക്രീറ്റ് ബീം പൊട്ടിവീണപ്പോള് നാല് തൊഴിലാളികള് ഓടിമാറിയതിനാല് വലിയ ദുരന്തം ഒഴിവായി. നിര്മ്മാണത്തിലിരുന്ന 12 നില കെട്ടിടത്തിന്റെ ഏറ്റവും മുകളിലെ നിലയിലാണ് അപകടമുണ്ടായത്. നിര്മ്മാണത്തിലിരുന്ന ബീം അടക്കമുള്ളവ തൊഴിലാളികള്ക്ക് മുകളിലേക്ക് ഇടിഞ്ഞു വീഴുകയായിരുന്നു.
ഇദ്ദേഹം തൂണിന് മുകളില് തൂങ്ങിക്കിടക്കവേ തന്നെ മരിച്ചുവെന്നാണ് ദൃക്സാക്ഷികള് വ്യക്തമാക്കുന്നത്. മൃതദേഹം പൊട്ടിവീണ ബീമിന് താഴെ നിര്മ്മാണത്തിനായി സജ്ജീകരിച്ച തൂണിന് മുകളില് കുരുങ്ങിക്കിടക്കുകയാണ്.
