പത്തനംതിട്ട : കോഴഞ്ചേരി താലൂക്ക് സർക്കിൾ സഹകരണ യൂണിയൻ ചെയർമാനായി ജെറി ഈശോ ഉമ്മൻ ഐക്യകണ്ഠന തെരഞ്ഞെടുക്കപ്പെട്ടു. മൈലപ്രാ സർവ്വീസ് സഹകരണ ബാങ്ക് പ്രസിഡന്റും കേരള കർഷകസംഘം ജില്ലാ വൈസ് പ്രസിഡന്റുമാണ് ജെറി ഈശോ ഉമ്മൻ . സംസ്ഥാന സഹകരണ യൂണിയൻ പ്രതിനിധിയായി വള്ളിക്കോട് സർവ്വീസ് സഹകരണ ബാങ്ക് പ്രസിഡന്റ് പി.ജെ അജയകുമാറും തെരഞ്ഞെടുക്കപ്പെട്ടു.
കോഴഞ്ചേരി, കോന്നി എന്നീ രണ്ടു റവന്യൂ താലൂക്കുകളാണ് കോഴഞ്ചേരി സർക്കിൾ സഹകരണ യൂണിയന്റെ പ്രവർത്തന പരിധി. എൻ.ആർ നാരായണ പിള്ളയുടെ അദ്ധ്യക്ഷതയിൽ കൂടിയ തെരഞ്ഞെടുപ്പ് യോഗത്തിൽ പി.ജെ അജയകുമാർ, മലയാലപ്പുഴ ശശി, സഹകരണ അസി.രജിസ്ട്രാർ ജി.അനിരുദ്ധൻ എന്നിവർ പ്രസംഗിച്ചു.