2023 സെപ്റ്റംബറിലാണ് ഫ്രഞ്ച് വാഹന നിർമ്മാതാസിട്രോൺ C3 എയർക്രോസ് വിപണിയിൽ എത്തിയത്. 1.2 എൽ ടർബോ പെട്രോൾ എഞ്ചിനും 6-സ്പീഡ് മാനുവൽ ട്രാൻസ്മിഷനും ഉൾപ്പെടുത്തിയായിരുന്നു വാഹനത്തിന്റെ ആദ്യ വരവ്. ഇപ്പോഴിതാ അതിന്റെ മോഡൽ ലൈനപ്പ് വിപുലീകരിച്ചുകൊണ്ട് രണ്ട് പുതിയ ഓട്ടോമാറ്റിക് വേരിയന്റുകൾ അവതരിപ്പിക്കാൻ ഒരുങ്ങുകയാണ് കമ്പനി. പ്ലസ്, മാക്സ് വേരിയന്റുകൾക്ക് മാത്രമായി 6-സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സ് സജ്ജീകരിച്ചിരിക്കുന്നു. ചില സിട്രോൺ ഡീലർമാർ ഈ ഓട്ടോമാറ്റിക് വേരിയന്റുകളുടെ ബുക്കിംഗ് സ്വീകരിക്കുന്നുണ്ടെന്നാണ് പുതിയ റിപ്പോര്ട്ടുകൾ.
ഇതിന് 25,000 രൂപ പ്രാരംഭ നിക്ഷേപം ആവശ്യമാണ്. ഔദ്യോഗിക വിലനിർണ്ണയ വിശദാംശങ്ങൾ 2024 ജനുവരിയിൽ അനാവരണം ചെയ്യപ്പെടുമെന്ന് പ്രതീക്ഷിക്കുന്നു. സിട്രോൺ C3X ക്രോസ്ഓവർ സെഡാൻ, സിട്രോൺ eC3 എയർക്രോസ് എന്നീ രണ്ട് പുതിയ മോഡലുകൾ ഉടൻ എത്തും. മാനുവൽ, ഓട്ടോമാറ്റിക് ട്രാൻസ്മിഷനുകൾ ഇതിൽ ലഭ്യമാകും. ഭാവിയിൽ വാഹനത്തിന്റെ വൈദ്യുത പതിപ്പിന് സാധ്യതയുണ്ട്. അടിസ്ഥാന വേരിയന്റിന് 10 ലക്ഷം മുതൽ ടോപ്പ്-ടയർ ട്രിമ്മിന് 12 ലക്ഷം രൂപ വരെയാണ് സിട്രോൺ C3X ക്രോസ്ഓവർ സെഡാന് പ്രതീക്ഷിക്കുന്ന വില. ഇലക്ട്രിക് മോഡലിന്റെ വില 15 ലക്ഷം മുതൽ 17 ലക്ഷം രൂപ വരെയാവും എന്നാണ് പ്രതീക്ഷിക്കുന്നത്.
