പാലക്കാട് : ഒറ്റപ്പാലത്ത് കഞ്ചാവ് ഉപയോഗിക്കുന്നവർ തമ്മിലുണ്ടായ ഏറ്റുമുട്ടലില് ഒരാള്ക്ക് ഗുരുതര പരിക്ക്. വരോട് പ്രദേശത്ത് വച്ചാണ് കഞ്ചാവ് ഉപയോഗിക്കുന്ന സംഘങ്ങള് തമ്മിൽ ഏറ്റുമുട്ടിയത്. ബൈക്കില് എത്തിയ ഒരു സംഘം മറ്റൊരു സംഘത്തെ ആക്രമിക്കുകയായിരുന്നു. ആക്രമിക്കുന്ന സി.സി.ടി.വി ദൃശ്യങ്ങള് പുറത്തുവന്നു. പരിക്കേറ്റയാളെ ഒറ്റപ്പാലം താലൂക്ക് ആശുപത്രിയില് പ്രവേശിപ്പിച്ചിരിക്കുകയാണ്.
ആക്രമിച്ചവരെ തിരിച്ചറിഞ്ഞിട്ടുണ്ടെങ്കിലും ഇത്വരെ പിടികൂടാനായിട്ടില്ല. നാട്ടുകാരുടെ മൊഴിയെടുത്ത ശേഷം തുടർ നടപടികൾ സ്വീകരിക്കുമെന്നാണ് പോലീസ് പറയുന്നത്. കഞ്ചാവ് ഉപയോഗിക്കുന്ന സംഘങ്ങള് ഇവിടെ സജീവമാണ്. ഇതിനെതിരെ നാട്ടുകാരും വിവിധ ക്ലബ്ബുകളും രാഷ്ട്രീയപാര്ട്ടി പ്രതിനിധികളും ചേര്ന്ന് ആക്ഷന് കൗണ്സില് രൂപീകരിച്ച് പ്രതിഷേധിച്ചിരുന്നു. ഇതിനിടെയാണ് ഇത്തരമൊരു സംഭവം ഉണ്ടായത്.
