തിരുവനന്തപുരം : ലോകായുക്ത ഓര്ഡിനന്സ് ഭരണഘടനയനുസരിച്ചാണെന്ന് മുഖ്യമന്ത്രി പിണറായി വിജയന് ഗവര്ണറെ അറിയിച്ചു. ഗവര്ണ്ണര് ആരിഫ് മുഹമ്മദ് ഖാനുമായി രാജ്ഭവനിലെത്തിയാണ് മുഖ്യമന്ത്രി കൂടിക്കാഴ്ച നടത്തിയത്.
കൂടിക്കാഴ്ച ഒരു മണിക്കൂര് നീണ്ടു. ഓര്ഡിനന്സില് ഇനി ഗവര്ണ്ണറുടെ നിലപാട് നിര്ണ്ണായകമാണ്. ഓര്ഡിനന്സ് കൊണ്ട് വരാനിടയായ സാഹചര്യം മുഖ്യന്ത്രി ഗവര്ണറോട് വിശദികരിച്ചു.
നിലവിലെ നിയമത്തില് ഭരണഘടന വിരുദ്ധമായ വകുപ്പ് ഉണ്ടെന്നും അത് കൊണ്ടാണ് നിയമ ഭേദഗതി കൊണ്ട് വന്നതെന്നും മുഖ്യമന്ത്രി ഗവര്ണറോട് വിശദീകരിച്ചു. നിലവിലെ ലോകായുക്ത നിയമത്തിലെ പതിനാലാം വകുപ്പ് ഭരണഘടന വിരുദ്ധമാണ്. ഇക്കാര്യത്തില് സര്ക്കാരിന് നിയമോപദേശം ലഭിച്ചുവെന്നും മുഖ്യമന്ത്രി ഗവര്ണറെ അറിയിച്ചു. സര്വകലാശാലകളില് രാഷ്ട്രീയ ഇടപെടലിന് സര്ക്കാര് ആഗ്രഹിക്കുന്നില്ലെന്നും മുഖ്യമന്ത്രി ഗവര്ണറോട് വിശദീകരിച്ചു.