തിരുവനന്തപുരം: സ്കൂള് ബാഗിന്റെ ഭാരം കുറയ്ക്കണമെന്ന് മുഖ്യമന്ത്രി പിണറായി വിജയന്. അമിതഭാരം എടുക്കുന്നത് മൂലം രോഗികളാകുന്ന കുട്ടികളുണ്ട്. ഭാരം കുറയ്ക്കാന് സര്ക്കാര് സ്കൂളുകള് നടപടിയെടുത്തിട്ടുണ്ട്. ചില സ്കൂളുകള് അത് നടപ്പാക്കിയിട്ടില്ല. കുട്ടികളുമായി ബന്ധപ്പെട്ട നിയമങ്ങള് പാലിക്കുന്നുണ്ടെന്ന് ഉറപ്പു വരുത്തണമെന്നും അദ്ദേഹം പറഞ്ഞു.
അതിക്രമങ്ങള്ക്ക് ഇരയാകുന്ന കുട്ടികള്ക്ക് സംരക്ഷണവും പുനരധിവാസവും ഉറപ്പ് വരുത്തണം. കുട്ടികളുടെ അവകാശങ്ങളും സുരക്ഷയും ഉറപ്പു വരുത്തുക. ശാരീരികമായോ മാനസികമായോ കുട്ടികള് ചൂഷണം ചെയ്യപ്പെടുന്നില്ലെന്ന് ഉറപ്പുവരുത്തണം. ഉറ്റവരോ ഉടയവരോ കുട്ടികളെ ചൂഷണം ചെയ്താലും നിയമത്തിന് മുന്നില് കൊണ്ടു വരണമെന്നും മുഖ്യമന്ത്രി ചൂണ്ടിക്കാട്ടി. സ്ഥിരം കുറ്റവാളികള് ആണെങ്കിലും അവര് കുട്ടികളാണെന്ന ബോധം ഉണ്ടാകണം. കാലത്തിന് ഒപ്പം മുന്നേറാന് കുട്ടികളെ പ്രാപ്തരാക്കുകയാണ് സര്ക്കാര് ലക്ഷ്യം. കുട്ടികള്ക്കായി കാവല്, കാവല് പ്ലസ് തുടങ്ങിയ പദ്ധതികള് നടപ്പാക്കി വരുന്നുവെന്നും അദ്ദേഹം പറഞ്ഞു.
