ഡല്ഹി: ഡല്ഹിയില് സിഎന്ജി നിരക്ക് വീണ്ടും വര്ധിപ്പിച്ചു. ഇത്തവണ 95 പൈസയാണ് വര്ധിപ്പിച്ചിരിക്കുന്നത്. പുതുക്കിയ നിരക്ക് ഡിസംബര് 17ന് രാവിലെ 6 മണി മുതല് പ്രാബല്യത്തില് വരും. ഡല്ഹിയില് സിഎന്ജി വില കിലോയ്ക്ക് 95 പൈസ വര്ധിച്ച് 79.56 രൂപയായി. പ്രകൃതി വാതകത്തിന്റെ വിലയില് റെക്കോര്ഡ് വര്ധനവാണ് രേഖപ്പെടുത്തുന്നത്. സിഎന്ജിയുടെ വില കിലോയ്ക്ക് മൂന്ന് രൂപ വീതം ഐജിഎല് വര്ധിപ്പിച്ചു.
പിഎന്ജിയുടെ വിലയിലും മൂന്നു രൂപയുടെ വര്ധനവുണ്ടായി. തലസ്ഥാനമായ ഡല്ഹിയില് സിഎന്ജി വില 75.61 രൂപയില് നിന്ന് 78.61 രൂപയായി ഉയര്ന്നു. നോയിഡ, ഗ്രേറ്റര് നോയിഡ, ഗാസിയാബാദ് എന്നിവിടങ്ങളില് നിരക്ക് 78.17 രൂപയില് നിന്ന് 81.17 രൂപയായി ഉയര്ത്തി. വീണ്ടും ഉണ്ടായിരിക്കുന്ന സിഎന്ജിയുടെ വില വര്ദ്ധനവ് സാധാരണക്കാരുടെ ജീവിതത്തെ സാരമായി ബാധിക്കും.
സേവനങ്ങള്ക്കും കൂടുതല് നിരക്ക് ഈടാക്കാം. മറുവശത്ത്, ദിവസവും ഓട്ടോയില് യാത്ര ചെയ്യുന്നവരുടെ പോക്കറ്റും അതിവേഗം കാലിയാകും. ഗതാഗതച്ചെലവ് കൂടുമെന്നതിനാല് പഴങ്ങളുടെയും പച്ചക്കറികളുടെയും വിലയിലും വര്ധനവുണ്ടാകും. അതായത് നാണയപ്പെരുപ്പം എല്ലാ വശങ്ങളില് നിന്നും വര്ദ്ധിക്കും.
ഇക്കഴിഞ്ഞ ഏപ്രില് നാലിന് സിഎന്ജിയുടെ വിലയില് കിലോയ്ക്ക് 2.5 രൂപയുടെ വര്ധനവ് വരുത്തിയിരുന്നു. തൊട്ട് തലേന്ന് ഏപ്രില് മൂന്നിന് രാത്രി സിഎന്ജിയുടെ വില 80 പൈസയും വര്ധിപ്പിച്ചിരുന്നു. ഡല്ഹിയില് സിഎന്ജി നിരക്കുകള് വര്ധിച്ചിട്ടുണ്ട്. എന്നാല് നിലവില് നോയിഡ, ഗാസിയാബാദ്, ഗുരുഗ്രാം എന്നിവയേക്കാള് കുറവാണ് നിരക്ക്. അതേസമയം, മീററ്റ്, റെവാരി, കാണ്പൂര് തുടങ്ങിയ സ്ഥലങ്ങളിലെ സിഎന്ജി നിരക്ക് ഡല്ഹിയേക്കാള് കൂടുതലാണ്.
