ഡൽഹി : രാജ്യത്ത് പെട്രോൾ, ഡീസൽ വില വർധനയ്ക്ക് പിന്നാലെ സിഎൻജി വിലയിലും വർദ്ധനവ്. മുംബൈയിൽ മഹാനഗർ ഗ്യാസ് ലിമിറ്റഡ് ആണ് വില വർധിപ്പിച്ചത്. ഇന്ധനവിലയിലുണ്ടായ ഈ മാറ്റം മുംബൈയിലെ ഓട്ടോ, ടാക്സി സർവീസുകളെ സാരമായി ബാധിക്കുമെന്നാണ് റിപ്പോർട്ടുകൾ. സിഎൻജി വില ഉയർന്നതോടെ ഓട്ടോ-ടാക്സി സർവീസുകളുടെ മിനിമം ചാർജിലും വർധനവുണ്ടാകാൻ സാധ്യതയുണ്ട്. ടൊറന്റ് ഗ്യാസ് കമ്പനി സിഎൻജിയുടെ വില കിലോയ്ക്ക് രണ്ടര രൂപയാണ് കൂട്ടിയിരിക്കുന്നത്. ഇതോടെ തമിഴ്നാട്, യുപി, രാജസ്ഥാൻ, ഗുജറാത്ത്, മഹാരാഷ്ട്ര, തെലങ്കാന, ഹരിയാന തുടങ്ങിയ സംസ്ഥാനങ്ങളിൽ ഓട്ടോ-ടാക്സി സർവീസുകളുടെ നിരക്കിൽ വലിയ വർദ്ധനവ് ഉണ്ടായേക്കും.
ഇന്ന് രാവിലെ പെട്രോളിനും ഡീസലിനും ലിറ്ററിനു മൂന്നുരൂപ വീതമാണ് കൂട്ടിയത്. പുതിയ നിരക്ക് ഇന്നുമുതല് പ്രാബല്യത്തില് വന്നു. ഇതോടെ രാജ്യതലസ്ഥാനമായ ദില്ലിയില് പെട്രോളിനു ലിറ്ററിന്റെ വില 97.77 രൂപയായി. 90.67 രൂപയാണ് ഡീസല് വില. കൊല്ക്കത്തയിലും ചെന്നൈയിലും മുംബൈയിലും പെട്രോള് വില 100 രൂപ കടന്നു. പെട്രോള്, ഡീസല് വില വര്ധിപ്പിച്ചതിനൊപ്പം സി.എന്.ജി വിലയും വര്ധിപ്പിച്ചിട്ടുണ്ട്.
