ഹൈദരാബാദ് : ഹൈദരാബാദ് രാജീവ് ഗാന്ധി രാജ്യാന്തര വിമാനത്താവളത്തിൽ നിന്ന് 12 കോടി രൂപയോളം വിലമതിക്കുന്ന കൊക്കെയിൻ പിടികൂടി. 1.157 കിലോഗ്രാം കൊക്കെയിനാണ് 44 വയസ്സുകാരനായ ടാൻസാനിയൻ പൗരനിൽ നിന്ന് പിടികൂടിയത്. 11.57 കോടി രൂപയാണ് ഈ കൊക്കെയിൻ്റെ കൃത്യമായ മതിപ്പുവില. ഇൻ്റലിജൻസ് വിഭാഗത്തിൻ്റെ അറിയിപ്പിനെ തുടർന്നാണ് വിമാനത്താവളത്തിൽ വെച്ച് ഇയാളെ പരിശോധിച്ചത്. ദക്ഷിണാഫ്രിക്കയിലെ ജൊഹന്നാസ്ബർഗിൽ നിന്ന് ദുബായ് വഴി ഹൈദരാബാദ് എത്തിയ യാത്രക്കാരനായിരുന്നു ഇയാൾ. കൊക്കെയിൻ അടങ്ങിയ 79 ഗുളികകൾ ഇയാളിൽ നിന്ന് കണ്ടെടുത്തു.
